Табиати хушманзар, либосҳои миллӣ ва таомҳои лазизи Тоҷикистон ҳайати фарҳангию сайёҳии АМА-ро ба худ ҷалб намуданд
ДУШАНБЕ, 08.05.2018 /АМИТ «Ховар»/. Як гурӯҳи фарҳангӣ, адабӣ ва сайёҳии Амороти Муттаҳидаи Араб ба Тоҷикистон ташриф оварда, аз минтақаи Варзоб, Қалъаи Ҳисор, бозори Меҳргон, Осорхонаи миллӣ, дараи хушманзараи Ромит ва дигар мавзеъҳои сайёҳии атрофи шаҳри Душанбе дидан намуданд. Дар ин бора ба АМИТ «Ховар» аз Кумитаи рушди сайёҳӣ хабар доданд.
Ин сафар бо ташаббуси Кумитаи рушди сайёҳии назди Ҳукумати Ҷумуҳурии Тоҷикистон ва Сафорати Тоҷикистон дар Амороти Муттаҳидаи Араб сурат гирифт. Дар ҳайати расмии Амороти Муттаҳидаи Араб Муҳаммад Комил Ал Муайнӣ, мудири Академияи дипломатияи фарҳангӣ дар шаҳри Дубай, Носир Ал Зоҳирӣ, котиб, нависанда, аъзои Иттифоқи нависандагони Аморот, Марям Ал-Шиносӣ, Раиси хонаи табъу нашри “Ёсамин”, Фотима Ал-Нақбӣ, сардори Департаменти фарҳанг дар Аморати Шарҷа ва намояндагони ширкатҳои бузурги сайёҳии Амороти Муттаҳидаи Араб шомил буданд.
Муовини раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода ба ҳайати меҳмонон дар дараи Ромит имконот ва иқтидори сайёҳӣ ва маҳсули ҳунарҳои мардумиро муаррифӣ намуд. Меҳмонони Аморот ба ҳунарҳои дастӣ таваҷҷуҳи хоса зоҳир карда, курпачаҳои тоҷикиро, ки бо пахта омода карда мешаванд, тавсиф намуданд. Диққати ҳайати Амороти Муттаҳидаи Арабро бештар табиати хушманзар, обҳои равон, маҳсулоти хӯрокаи аз ҷиҳати экологӣ тоза, меваҳои шаҳдбор, мисоли шоҳтуту қулфинай, гелосу лиму ва асали табиӣ, чеҳраи кушоду меҳмоннавозии тоҷикона, либосҳои миллии занона ва тоқиҳои чакан ҷалб сохт.
Намояндагони ширкатҳои сайёҳии Амороти Муттаҳидаи Араб ҷиҳати ҷалби сайёҳон ба Тоҷикистон изҳори омодагӣ намуда, ба соҳаи сайёҳии кӯҳнавардӣ, таърихӣ, экологӣ, саёҳату табобатӣ диққати махсус зоҳир карданд.
Ёдовар мешавем, ки танҳо дар се моҳи соли ҷорӣ зиёда аз 600 нафар сайёҳ аз Амороти Муттаҳидаи Араб ба Тоҷикистон ташриф оварданд, ки ин нисбат ба ҳамин давраи соли гузашта 8 маротиба зиёд аст.
Мавриди зикр аст, ки ғамхориҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаи сайёҳии кишвар ва имтиёзҳои пешниҳоднамудаи Ҳукумати кишвар ба хотири рушди инфрасохтори сайёҳӣ ҷиҳати пешрафти ин риштаи сердаромад дар ватани мо заминаи мусоид фароҳам меоварад.
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
РУШДИ САЙЁҲӢ. Дар ноҳияи дурдасти Мурғоб се меҳмонхонаи замонавӣ ба истифода дода шуд
Кумитаи рушди сайёҳии Тоҷикистон ва Корпоратсияи рушди сайёҳии Покистон дар асоси «Харитаи роҳ» ҳамкориро вусъат мебахшанд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
ҶАШНИ ТИРГОН. Он ҳамчун воситаи маъмули сайёҳии миллӣ муаррифӣ гардид
Ҳайати Тоҷикистон дар Ҷаласаи гурӯҳи корӣ оид ба баланд бардоштани иқтидори сайёҳии минтақаи CAREC иштирок намуд
Тоҷикистон ва Ҳиндустон дар самти омода намудани мутахассисони соҳаи сайёҳӣ ҳамкориро густариш медиҳанд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«OH TAJIKISTAN». Дар Кумитаи рушди сайёҳӣ муаррифии видеролики таблиғотӣ доир гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Имконияти сайёҳии Тоҷикистон дар Олмон муаррифӣ гардид
