Бонки миллӣ: меъёри фоизӣ ва шартҳои фишангҳои доимии сиёсати пулию қарзӣ таҷдид мегарданд
ДУШАНБЕ, 07.06.2018 /АМИТ «Ховар»/. Бонки миллии Тоҷикистон баҳри таъмини сиёсати самараноки пулию қарзӣ (монетарӣ), танзими ҳадафи амалиётии худ, идоракунии сатҳи пардохтпазирӣ дар низоми бонкӣ ва меъёрҳои кӯтоҳмуддати бозори байнибонкӣ фишангҳои амалиётии монетариро таҷдид менамояд.
Дар ин бора аз Бонки миллии Тоҷикистон ба мухбири АМИТ «Ховар» хабар доданд.
Ба иттилои манбаъ, ҷиҳати вусъат додани амалиёти монетарӣ, беҳтар намудани дастрасӣ ба пардохтпазирии кӯтоҳмуддат, ҳавасманд ва фаъол гардонидани ташкилотҳои қарзӣ дар амалиёти монетарӣ меъёри фоизи амалиёти қарзи шабонарӯзӣ (овернайт) баробар ба меъёри бозтамвил +1 банди фоизӣ (б.ф) паст карда шуд.
Инчунин бо мақсади беҳтар намудани дастрасӣ ба амалиёти қарзи шабонарӯзӣ (овернайт) ва музоядаҳои қарзӣ предмети гарав бо назардошти коэффитсиенти ислоҳӣ (hair-cut rate) барои коғазҳои қиматнок 1,0 ва барои асъори хориҷӣ 1,1 муқаррар карда шуд.
Дар баробари ин, Бонки миллии Тоҷикистон ҷиҳати дастгирии ташкилотҳои қарзӣ, муваққатан ҷалб намудани пардохтпазирии кӯтоҳмуҳлат ва танзими ҳаҷми пул фишанги доимамалкунандаи монетарӣ — амалиёти амонатии шабонарӯзӣ (овернайт)-ро аз 11 июни соли равон бо меъёри фоизии баробар ба меъёри бозтамвил тарҳи 9 б.ф. барқарор менамояд. Дар доираи механизми фишанги мазкур ташкилотҳои қарзӣ тавассути гузаронидани амалиёти амонатии шабонарӯзӣ (овернайт) метавонанд маблағҳои озоди худро дар Бонки миллии Тоҷикистон ҳамчун пасандоз ба муҳлати як шабонарӯз нигоҳ доранд
Бояд зикр намуд, ки истифодаи фишангҳои амалиётии сиёсати монетарӣ ба ташкилотҳои қарзӣ имконият медиҳад, ки дар мавриди норасоии маблағ ба Бонки миллии Тоҷикистон тариқи низоми электронии «Thomson Reuters» дархост пешниҳод намуда, эҳтиёҷоти худро бо қарзҳои кӯтоҳмуҳлати наздик ба меъёри бозтамвил ва бо фоизҳои нисбат ба фоизҳои бозорӣ пасттар қонеъ гардонанд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
