Дар Душанбе «Маҷмӯаи осор»—и Шоири халқии Тоҷикистон Аскар Ҳаким рӯнамоӣ мешавад
ДУШАНБЕ, 11.06.2018 /АМИТ «Ховар»/. 13 июни соли равон, соати 15:00 дар Академии илмҳои Ҷумҳурии Тоҷикистон рӯнамоии «Маҷмӯаи осор»—и Шоири халқии Тоҷикистон, барандаи Ҷоизаи давлатии ба номи А. Рӯдакӣ, мунаққид, адабиётшинос ва доктори илмҳои филологӣ Аскар Ҳаким, ки аз 7 ҷилд иборат аст, баргузор мегардад.
Дар ин бора сардори маркази матбуоти Академияи илмҳо Машраби Абдулло ба АМИТ «Ховар» хабар дод.
Ба иттилои номбурда, китоби мазкур моҳи январи соли 2018 нашр шуда, ҷилдҳои якум ва дуюми маҷмӯа фарогири мунтахаби шеъру достон ва манзумаҳои муаллиф мебошанд. Ҷилдҳои сеюм ва чорум таҳқиқҳо ва мақолаҳои илмии Аскар Ҳакимро дар бар мегиранд. Дар ҷилди панҷуми мунтахаб мақола, портрет ва мусоҳибаҳои муаллиф гирдоварӣ шудаанд, ки хонанда метавонад бо рӯзгору осор ва мавқеи адибон Мирзо Турсунзода, Мӯъмин Қаноат, Лоиқ Шералӣ ва дигарон шинос шавад.
Тарҷумаи «Мазҳакаи илоҳӣ»-и Данте, шеърҳои М. Лермонтов, Расул Ғамзатов ва дигар осори назмиву насрии адабиёти ҷаҳон, ки ба қалами Аскар Ҳаким тааллуқ доранд, дар ҷилди шашуми мунтахаб гирдоварӣ шудаанд.
Ҷилди ҳафтуми китоб «Гуфтор дар бораи худ» ном дошта, хотироти муаллиф ва силсилаи мақолаҳои муҳаққиқонро доир ба рӯзгор ва осори Аскар Ҳаким фаро гирифтааст.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
