Дар Қоҳира ба шарафи Рӯзи Ваҳдати миллии Тоҷикистон ҳамоиши ҷашнӣ баргузор гардид
ДУШАНБЕ, 25.06.2018 /АМИТ «Ховар»/. 23 июн дар яке аз варзишгоҳҳои шаҳри Қоҳира ба муносибати 21-умин солгарди Рӯзи Ваҳдати миллии Тоҷикистон ҳамоиши ҷашнӣ ва мусобиқаи футбол баргузор шуд, ки дар он гурӯҳе аз донишҷӯёну шаҳрвандони тоҷики муқими Миср иштирок карданд. Мизбонии ҳамоиши ҷашниро Сафорати Ҷумҳурии Тоҷикистон ва Ҷамъияти тоҷикони Миср ба уҳда доштанд.
Дар суханони шодбошӣ мизбонон Рӯзи Ваҳдати миллиро ба ширкаткунандагони ҳамоиш табрик гуфта, аҳамияти сарнавиштсози ин рӯзро дар таърихи навини халқи тоҷик таъкид намуданд.
Дар ин росто зикр гардид, ки ваҳдати миллӣ ба шарофати фидокориҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барқарору пойдор шуд. Ширкаткунандагони ҳамоиш бо ҳамовозӣ пуштибонии худро аз сиёсати созанда ва бунёдкоронаи Асосгузори сулҳу ваҳдати миллӣ муҳтарам Эмомалӣ Раҳмон таъкид намуда, изҳори омодагӣ карданд, ки ҷидду ҷаҳди худро баҳри ободиву пешрафти бештари Ватани маҳбуби худ дареғ надоранд.
Пас аз поёни маросими ифтитоҳи ҳамоиши ҷашнӣ мусобиқаи футбол сурат гирифт. Ба ғолибон ва иштироккунандагони мусобиқа ҷоизаҳои хотиравӣ, аз ҷумла, китоби Президенти Ҷумҳурии Тоҷикистон Эмомалӣ Раҳмон «Тоҷикон дар оинаи таърих», ки дар Қоҳира ба забони арабӣ чоп шуда буд, тақдим гардид.
Дар ин бора ба АМИТ «Ховар» аз Сафорати Тоҷикистон дар Қоҳира хабар доданд.
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
Ваколатдор оид ба ҳуқуқи инсон вобаста ба ҳифзи ҳуқуқи соҳибкорон конфронси ҷумҳуриявӣ доир менамояд
