Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд
ДУШАНБЕ, 08.06.2018 /АМИТ «Ховар»/. Тибқи қарорҳои дахлдори Ҳукумати Ҷумҳурии Тоҷикистон, муҳлати бақайдгирии шаҳрвандони хориҷӣ аз 3 шабонарӯз то 10 рӯзи корӣ муқаррар карда шуд. Дар ин бора ба АМИТ “Ховар” аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Мавриди зикр аст, ки бо дастгирию ғамхории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи сайёҳии кишвар ислоҳоти муҳим гузаронида шуда, тағйироти куллӣ ба вуҷуд омаданд, ки дар минтақа камназиранд.
“Дар баробари пешниҳод намудани имтиёзҳои андозию гумрукӣ барои соҳибкорони ватанӣ дар самти сайёҳӣ, озод намудани воридоти таҷҳизоту техника ва маводи сохтмонӣ барои бунёди иншооти инфрасохтори сайёҳӣ, боз як дастгирии Пешвои миллат дар Соли рушди сайёҳӣ ва ҳунарҳои мардумӣ- ин ба тасвиб расонидани қарорҳои дахлдори Ҳукумати Ҷумҳурии Тоҷикистон ҷиҳати тамдиди муҳлати бақайдгирии шаҳрвандони хориҷӣ то 10 рӯзи корӣ мебошад.
Тибқи қарорҳои Ҳукумати Ҷумҳурии Тоҷикистон аз 1 июни соли 2018 таҳти №298 ва №299 оид ба тасдиқи Қоидаҳои иқомати шаҳрвандони хориҷӣ дар Ҷумҳурии Тоҷикистон ва убури транзитии онҳо аз тариқи ҳудуди кишвари мо, муҳлати бақайдгирии шаҳрвандони хориҷӣ аз 3 шабонарӯз то 10 рӯзи корӣ муқаррар карда шуд”, — зикр намуд манбаъ.
Қарорҳои мазкур қоидаҳои бақайдгирии шиносномаҳои шаҳрвандони хориҷӣ ва намунаи варақаи бақайдгирии онҳоро ба танзим дароварда, шаҳрвандони хориҷӣ ва шахсони бешаҳрвандиро уҳдадор месозад, ки бо тартиби муқарраргардида дар муддати 10 рӯзи корӣ аз санаи ворид шуданашон ба Ҷумҳурии Тоҷикистон шиносномаҳои хориҷии худ ё ин ки ҳуҷҷатҳои ивазкунандаи онҳоро ба қайд гиранд.
Бояд ёдовар шуд, ки муҳлати будубоши беқайд барои сайёҳон, ки тибқи раводиди навъи сайёҳӣ ба ҷумҳурӣ ворид мешаванд, 30 рӯз муқаррар шудааст ва ин имконият медиҳад, ки сайёҳон тамоми таваҷҷуҳи худро ба сайру саёҳат сарф намоянд.
Албатта, тамдиди муҳлати бақайдгирии шаҳрвандони хориҷӣ то 10 рӯзи корӣ ҷиҳати ҷалби бештари шаҳрвандони хориҷӣ, аз ҷумла, сайёҳон ба ҷумҳурӣ шароити мусоид фароҳам оварда, ба рушди соҳаи сайёҳии кишвар такони ҷиддӣ мебахшад.
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
