БОНКИ МИЛЛИИ ТОҶИКИСТОН: Тарифҳои ҳаққи хизматрасонии ҳисоббаробаркуниҳои байнибонкӣ таҷдиди назар карда шуданд
ДУШАНБЕ, 17.07.2018 /АМИТ «Ховар»/. Бонки миллии Тоҷикистон бо мақсади вусъат додани ҳисоббаробаркуниҳои ғайринақдӣ ва кам кардани хароҷоти ташкилотҳои қарзӣ-иштирокчиёни низоми пардохтҳои электронӣ ҳаққи хизматрасонии ҳисоббаробаркуниҳои байнибонкиро ба ташкилотҳои қарзӣ таҷдиди назар намуд.
Тавре аз Бонки миллӣ хабар доданд, бо қарори Раёсати Бонки миллии Тоҷикистон аз 13 июли соли 2018 тарифҳои нави ҳаққи хизматрасонии ҳисоббаробаркуниҳои байнибонкӣ муқаррар гардиданд. Тарифҳои нав хароҷоти ташкилотҳои қарзиро ҳангоми анҷом додани ҳисоббаробаркуниҳои байнибонкӣ ба маротиб кам намуда, барои зиёд шудани теъдоди пардохтҳои байнибонкӣ ҳавасманд менамоянд. Дар навбати худ тарифҳои нав ба ташкилотҳои қарзӣ имконият медиҳанд, ки онҳо низ тарифҳои хаққи хизматрасониҳои худро ба муштариёнашон кам намоянд.
Инчунин дар доираи лоиҳаи грантии Бонки ҷаҳонӣ «Баланд бардоштани рақобатнокии бахши хусусӣ» бо мақсади рушди инфрасохтори низоми пардохтии Бонки миллии Тоҷикистон, беҳтар намудани сифати хизматрасонӣ ва ҷавобгӯ намудани низоми пардохтӣ ба стандартҳои байналмилалӣ татбиқи Низоми муосири автоматишудаи байнибонкии интиқоли маблағҳо ва Амонатгоҳи (депозитарияи) марказии қоғазҳои қиматнок амалӣ гардида истодааст.
Ба кор андохтани низомҳои зикргардида дар шашмоҳаи якуми соли 2019 ба нақша гирифта шудааст.
Бонки миллии Тоҷикистон дар ҳамкорӣ бо ташкилотҳои қарзӣ кӯшиш ба харҷ медиҳад, ки ҳисоббаробаркуниҳои ғайринақдиро вусъат бахшида, дар баробари ин барои беҳтар кардани сифати хизматрасониҳои бонкӣ ва ҷорӣ намудани технологияҳои муосир мусоидат намояд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
