Маркази миллии қонунгузорӣ: «Тафсири қонунҳои Ҷумҳурии Тоҷикистон «Дар бораи гурезаҳо» ва «Дар бораи пешгирии зӯроварӣ дар оила» дар ҳоли нашр аст»
ДУШАНБЕ, 23.07.2018 /АМИТ «Ховар»/. Кормандони Маркази миллии қонунгузории назди Президенти Ҷумҳурии Тоҷикистон дар асоси омӯзиш ва таҳлили қонунгузории амалкунандаи Ҷумҳурии Тоҷикистон мақолаҳо, китобҳо ва тафсири як қатор қонунҳои амалкунандаро барои кормандони мақомоти давлатӣ ва муассисаҳои илмӣ нашр намуданд.
Муовини аввали директори Маркази миллии қонунгузории назди Президенти Ҷумҳурии Тоҷикистон Субҳиддин Баҳриддинзода 23 июл дар нишасти матбуотӣ ба рӯзноманигорон гуфт, ки дар ин давра аз ҷониби кормандони марказ китобҳои «Ҳуқуқи Тоҷикистони муосир» (қисми 5), тафсирҳои қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи назорати давлатии молиявӣ дар Ҷумҳурии Тоҷикистон», «Дар бораи маҳдуд намудани истифодаи маҳсулоти тамоку» таҳия ва чоп гардиданд.
Мавсуф ҳамчунин афзуд, ки нашри тафсири қонунҳои Ҷумҳурии Тоҷикистон «Дар бораи гурезаҳо», «Дар бораи пешгирии зӯроварӣ дар оила» ва тафсири Кодекси мурофиавии ҷиноятии Ҷумҳурии Тоҷикистон дар марҳилаи анҷом қарор доранд.
Инчунин дар ин давра 130 адад мақолаҳои илмии кормандони Маркази миллии қонунгузорӣ дар нашрияҳои гуногун ба табъ расида, ду шумораи маҷаллаи илмию таҳлилии Марказ — «Қонунгузорӣ» ба нашр расид.
Бояд тазаккур дод, ки маҷаллаи илмӣ-таҳлилии «Қонунгузорӣ» моҳи майи соли равон ба Феҳристи маҷаллаҳои (нашрияҳои) илмии тақризшавандае, ки дар онҳо бояд натиҷаҳои асосии таҳқиқоти диссертатсионӣ аз рӯйи самти омода кардани докторони фалсафа (PhD), доктор аз рӯйи ихтисос, номзадҳои илм ва докторҳои илм ба чоп расонида шаванд, ворид карда шуд.
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
Фаронсаро тӯфони «Флориан» фаро гирифтааст
ИНТИХОБОТИ ВАКИЛОНИ ХАЛҚ-2025. Панҷ комиссияи ҳавзавии интихобот оид ба интихоботи аъзои Маҷлиси миллии Маҷлиси Олии Ҷумҳурии Тоҷикистон таъсис дода шуд
