Роҳбарияти вазоратҳои адлия, нақлиёт, Хадамоти зиддиинҳисорӣ, Палатаи савдо ва саноат ва Саридораи геология нишасти матбуотӣ баргузор менамоянд

ДУШАНБЕ, 17.07.2018. /АМИТ «Ховар»/. Пагоҳ, 18 июли соли 2018 оид ба ҷамъбасти  фаъолият дар шаш моҳи аввали соли 2018 мутобиқи Амри Президенти Ҷумҳурии Тоҷикистон аз 15 сентябри соли 2011 Вазорати адлия, Вазорати нақлиёт (якҷоя бо КВД «Роҳи оҳани Тоҷикистон»), Хадамоти зиддиинҳисорӣ,  Палатаи савдо ва саноат, Саридораи геология нишасти матбуотӣ баргузор менамоянд.

Нишасти матбуотии  Саридораи геология соати 9 дар бинои Саридораи геология, нишасти матбуотии Палатаи савдо ва саноат соати 09:30 дар бинои Палатаи савдо ва саноат, нишасти матбуотии  Хадамоти зиддиинҳисорӣ соати 11 дар бинои Хадамоти зиддиинҳисорӣ, нишасти матбуотии Вазорати адлия соати 14 дар толори ММҶ «Ховар», нишасти матбуотии  Вазорати нақлиёт (якҷоя бо КВД «Роҳи оҳани Тоҷикистон») соати 14 дар бинои Вазорати мазкур гузаронида мешавад.

Роҳбарони вазорату идораҳо ва ташкилоту муассисаҳо аз натиҷаҳои фаъолият дар нимаи якуми соли ҷорӣ маълумоти муфассал пешниҳод намуда, оид ба бурду бохти соҳа, муваффақият ва мушкилоти ҷойдошта, роҳҳои бартараф кардани онҳо мулоҳизаҳои худро изҳор мекунанд ва ба саволҳои намояндагони воситаҳои ахбори омма ҷавоб мегӯянд.

Хотиррасон мекунем, ки тибқи дастури Дастгоҳи иҷроияи Президенти Ҷумҳурии Тоҷикистон масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуотӣ гузаронидани онҳо мувофиқа мекунанд (хиёбони Рӯдакӣ, 40, ошёнаи 2, телефонҳои 888-08-34-04, 888-08-34-33, 221-30-15).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.