ТАЪТИЛИ ТОБИСТОНАИ МАКТАБИЁН: наврасону ҷавонон ҳунарҳои мардумиро меомӯзанд
ДУШАНБЕ, 19.07.2018 /АМИТ «Ховар»/. Дар Маркази рушди истеъдодҳои назди шуъбаи маорифи шаҳри Бӯстони вилояти Суғд омӯзгор Мунаввара Ҳусейнова ба шогирдонаш аз нозукиҳои санъати атласбофӣ маҳорати касбӣ меомӯзонад. Яке аз шогирдон- хонандаи синфи 6-и Муассисаи таҳсилоти миёнаи умумии №3-и шаҳри Бӯстон Гулафруз Собирова бо шавқи беандоза ва маҳорати баланд супориши муаллимаро ҷиҳати дӯхтани матои атлас иҷро менамояд. Ӯ пайваста дар давраи таътили тобистона ба ин марказ омада, аз устодони ботаҷриба ҳунарҳои мардумӣ меомӯзад.
Ба иттилои манбаъ, ҳайати мутахассисони Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон дар доираи корҳои тарғиботию ташвиқотӣ ва ҷалби наврасону ҷавонон ба корҳои эҷодӣ, навоварию ихтироъкорӣ аз Маркази рушди истеъдодҳои назди шуъбаи маорифи шаҳри Бӯстони вилояти Суғд дидан намуд.
Ба иттилои манбаъ, ҳайати мутахассисони Муассисаи давлатии «Маркази миллии патенту иттилоот» ҳамчунин аз Муассисаи таҳсилоти иловагии вилояти Суғд боздид кард. Шогирдони муассисаҳои таҳсилоти миёнаи умумии шаҳри Хуҷанд низ дар ин муассиса дар давраи таътили тобистона ба омӯзиши ҳунарҳои мардумӣ машғуланд. Дар ин ҷо тамоми шароит барои омӯзиши ҳунарҳои мардумӣ фароҳам оварда шудааст.
Толибилмон дар марказҳои мазкур нозукиҳои санъати адрасу атласбофӣ, гулдӯзӣ, тарроҳӣ (кашидани тарҳи либосу матоъҳо), наққошӣ, дуредгарӣ, заргарӣ ва ғайраҳоро аз устодони ботаҷриба меомӯзанд.
Бояд гуфт, ки бо эълон гардидани соли 2018 ҳамчун Соли рушди сайёҳӣ ва ҳунарҳои мардумӣ дар марказҳои рушди истеъдодҳои шаҳру ноҳияҳо ва муассисаҳои таҳсилоти иловагӣ наврасону чавонон ба омӯзиши анъанаи меросии ҳунарҳои миллӣ шуғл меварзанд.
Мавриди зикр аст, ки бо сиёсати наҷибона ва ғамхоронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон омӯзиши ҳунарҳои мардумӣ дар қалби наврасону ҷавонони мо бо ҳиссиёти баланд ҷой гирифтааст. Онҳо дар оянда бо аз худ намудани ҳунарҳои миллии мардумӣ санъати баланд ва фарҳанги мероси миллии мардуми тоҷикро дар сатҳи баланд муаррифӣ менамоянд.
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
