Дар Тоҷикистон «Маркази такмили ихтисоси масъулини соҳаи тарбияи ҷисмонӣ ва варзиш» таъсис дода шуд
ДУШАНБЕ, 08.08.2018 /АМИТ «Ховар»/. Дар назди Кумитаи кор бо ҷавонон ва варзиши назди Ҳукумати Ҷумҳурии Тоҷикистон «Маркази такмили ихтисоси масъулини соҳаи тарбияи ҷисмонӣ ва варзиш» таъсис дода шуд. Иқдоми мазкур бо қарори Ҳукумати Ҷумҳурии Тоҷикистон аз 31 июли соли 2018 бо мақсади оммавигардонии варзиш ва баланд бардоштани сатҳу сифати мураббиёну устодони варзиш, омода намудани кадрҳои баландихтисос дар самти тарбияи ҷисмонӣ ва инкишофи варзиш ташкил шудааст.
Тавре аз Кумитаи кор бо ҷавонон ва варзиши назди Ҳукумати ҷумҳурӣ ба АМИТ «Ховар» хабар доданд, «Маркази такмили ихтисоси масъулини соҳаи тарбияи ҷисмонӣ ва варзиш» метавонад барои баланд бардоштани маҳорати касбии мураббиёну устодони соҳаи варзиш заминаи мусоид фароҳам орад.
Таъсиси маркази мазкур дар арафаи Рӯзи варзишгарони Тоҷикистон ва оғози Бозиҳои Осиёӣ рост омада, туҳфаи арзанда барои мураббиёну варзишгарони Тоҷикистон мебошад.
Ҳамзамон, дар идомаи тадбирҳои андешидашуда дар самти тарбияи ҷисмонӣ ва инкишофи варзиш дар Тоҷикистон дар назди Кумитаи кор бо ҷавонон ва варзиш, мақомоти ваколатдори давлатӣ, сохтори нави «Шуъбаи кор бо дастаҳои мунтахаб» таъсис ёфтааст.
«МегаФон Тоҷикистон»: Русия ва Тоҷикистон ҳамкориро дар соҳаи рақамикунонӣ тақвият мебахшанд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар кӯчаҳои Хуҷанд барои пешгирии ифлосшавии муҳити зист дурбинҳои назоратӣ насб гардиданд
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
Имрӯз дар Тоҷикистон ҳаво то 28 дараҷа гарм мешавад
Имрӯз дар шаҳри Душанбе ҳаво то 27 дараҷа гарм мешавад
Дар Лахш барои фаъолияти самарабахш дар давраи тирамоҳу зимистон беш аз як миллион сомонӣ маблағ ҷудо гардидааст
