«МАВҚЕЪ»: барномаи таҳлилии Хуршеди Ҳамдам дар Радиои «FM Ховар» (Нашри якум)

ДУШАНБЕ, 04.08.2018./АМИТ «Ховар»/. 29 июл ба гурӯҳи 7-нафарии сайёҳони хориҷӣ дар минтақаи Себистони ноҳияи Данғара ҳамла сурат гирифт. Дар натиҷа, чор нафар кушта ва се нафар захмӣ шуданд. Кушташудаҳо – ду нафар амрикоӣ, як нафар швейтсарӣ ва як нафар ҳолландӣ буданд. Сайёҳони захмӣ аз Ҳолланд, Фаронса ва Швейтсария мебошанд. Расонаҳои хориҷӣ ин ҳамларо дар таърихи Тоҷикистони соҳибиистиқлол бесобиқа унвон карданд.

Ҳамзамон ҳодисаи марбут ба кушта шудани сайёҳони хориҷӣ дар минтақаи Себистони ноҳияи Данғара дар саргаҳи матолиби расонаҳои минтақа ва хориҷи Тоҷикистон қарор дорад. Ҳар расона кӯшиш дорад, то ин ҳодисаро ба таври худ шарҳу тафсир диҳад. Аммо воқеият чист? Чаро ин воқеаи нангин рух дод? Давлату ҳукумати Тоҷикистон чӣ иқдомотеро барои боздошт ва саркӯб кардани омилони ин ҳодиса рӯи даст гирифтааст? Чӣ бояд кард, то воқеаҳои монанд ба ин такрор нашаванд? ва …

Шореҳи АМИТ «Ховар» Хуршеди Ҳамдам дар барномаи нави муаллифӣ ва таҳлилии «Мавқеъ» дар Радиои Ховар бо ширкати  Сайфулло Сафаров, муовини аввали директори Маркази тадқиқоти стратегии назди Президенти ҶумҳурииТоҷикистон, Мутеъулло Наҷотзода, муовини директори Маркази исломшиносии Тоҷикистон ва Исомиддин Шарифзода, таҳлилгари тоҷик кӯшидааст,  то ба ин суолҳо посух бигирад. Дар зер сабти суҳбатро бишнавед:

Суҳбати аудиоии Барномаи «Мавқеъ».