«МАВҚЕЪ»: БАРНОМАИ ТАҲЛИЛИИ ХУРШЕДИ ХОВАР (ҲАМДАМ) ДАР РАДИОИ «FM ХОВАР» (Нашри чорум)

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Фармоне ба тасвиб расониданд, ки тибқи он маоши кормандони идораҳои буҷетӣ, нафақа ва стипендия то 15 фоиз боло бурда мешавад. Фармони мазкур аз 1-уми сентябри имсол ба иҷро медарояд.

Тибқи ин Фармон, маоши кормандони соҳаҳои маорифу илм, фарҳанг, ҳифзи иҷтимоӣ ва кормандони идораҳое, ки аз ҳисоби буҷети давлат маблағгузорӣ мешаванд, 15 дарсад боло бурда мешавад. Андозаи нафақа низ аз 1 – уми сентябр боло бурда мешавад.

Ба иттилои Хадамоти матбуоти Президенти Тоҷикистон, андозаи ҳадди ақали нафақа аз рӯи синну сол 15,4 дарсад ва андозаи ҳадди ниҳоии нафақаи меҳнатӣ аз рӯи синну сол 13,5 дарсад зиёд карда мешавад. Ҳадди ниҳоии нафақа аз рӯи синну сол 180 ва нафақаи меҳнатӣ 850 сомонӣ муқаррар шудааст.

Ҳамчунин андозаи стипендияи донишҷӯён низ 15 дарсад боло меравад. Дар  ҳоли ҳозир ҳадди ақали стипендия 130 сомониро ташкил медиҳад.

Мувофиқи маълумоти Вазорати меҳнат, муҳоҷират ва шуғли аҳолии Ҷумҳурии Тоҷикистон музди миёнаи маош дар ҷумҳурӣ 1169 сомониро ташкил медиҳад.

Суоли мавриди назар ин аст, ки то куҷо боло бурдани маош сатҳи зиндагии иқтисодӣ ва иҷтимоии аҳолиро беҳбуд мебахшад?

Ба манузри посух ба ин ва дигар саволҳо  ба студияи «Радиои Ховар» сардори Раёсати макроиқтисодии Маркази тадқиқоти стратегии назди Президенти Ҷумҳурии Тоҷикистон Ғафурҷон РАСУЛОВ, мудири шуъбаи таърихи афкори иқтисодии Пажӯҳишгоҳи  иқтисодии АИ Ҷумҳурии Тоҷикистон Шамсиддин ҶАЛОЛОВ ва коршиноси тоҷик Фирӯз МИРЗОЕВ даъват шудаанд.