Озмуни «Беҳтарин муаррифи мавзеъҳои сайёҳӣ» оғоз гардид
ДУШАНБЕ, 16.08.2018. /АМИТ «Ховар»/. Бахшида ба Соли рушди сайёҳӣ ва ҳунарҳои мардумӣ Ташкилоти ҷамъиятии ҷавонон «Созандагони Ватан» бо мақсади муаррифии маконҳои сайёҳии Тоҷикистон озмуни «Беҳтарин муаррифи мавзеъҳои сайёҳӣ»-ро эълон менамояд.
Дар ин бора ба мухбири АМИТ «Ховар» мудири шуъбаи кор бо ҷавонони Дастгоҳи Кумитаи иҷроияи марказии Ҳизби Халқии Демократии Тоҷикистон, муовини якуми Раиси ТҶҶ «Созандагони Ватан» Илҳомҷон Ҳамидов хабар дод.
Ба иттилои ҳамсуҳбат, озмуни «Беҳтарин муаррифи мавзеъҳои сайёҳӣ» дар ду номгӯ — «Аккоси беҳтарин» ва «Наққоши беҳтарин» баргузор гардида, дар он беҳтарин аксҳо ва мусаввараҳои иштирокчиён, ки мавзеъҳои сайёҳии Ҷумҳурии Тоҷикистонро муаррифӣ мекунанд, баъди коркарди масъулини ташкилот дар саҳифаи фейсбукии ТҶҶ «Созандагони Ватан»- Ватансоз» ҷой карда шуда, мавриди баҳогузории истифодабарандагон қарор дода мешаванд.
«Аксу мусаввараҳое, ки ба истифодабарандагони шабакаи Фейсбук бештар писанд меоянд (яъне, шумораи зиёди «like», «нравиться» ва ё «маъқул»-ро ҷамъ меоваранд), ғолиби озмун дониста мешаванд. Ҳамчунин аксҳо ва мусаввараҳо аз тарафи комиссияи тадорукотӣ низ баҳогузорӣ мешаванд»,-зикр намуд Илҳомҷон Ҳамидов.
Нафароне, ки хоҳиши дар озмун иштирок намуданро доранд, аксу мусаввараҳои худро метавонанд ба ТҶҶ «Созандагони Ватан» ва ё ба суроғаи электронии sozandagon.tj@mail.ru ирсол намоянд.
Озмун моҳи декабри соли 2018 ҷамъбаст мегардад.
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
