Дар Душанбе ҷаласаи вазирони масъули фаъолияти иқтисодӣ ва савдои хориҷии давлатҳои аъзои СҲШ баргузор гардид

Сентябрь 19, 2018 15:30

ДУШАНБЕ, 19.09.2018. /АМИТ «Ховар»/.  19 сентябри соли 2018 дар шаҳри Душанбе ҷаласаи 17-уми вазирони масъули фаъолияти иқтисодӣ ва савдои хориҷии давлатҳои аъзои Созмони ҳамкории Шанхай  баргузор гардид. Дар он масъалаҳои марбут ба рушд ва таҳкими ҳамкории минтақавии иқтисодӣ,  аз ҷумла мубодилаи афкор оид ба дурнамои ҳамкории тиҷоративу иқтисодӣ ва сармоягузорӣ дар минтақаи СҲШ мавриди баррасӣ қарор гирифт.

Тавре хабарнигори АМИТ «Ховар» иттилоъ медиҳад, дар  ҷаласа муовини Котиби генералии СҲШ Нурлан Аккошкаров, Котиби иҷроияи Шӯрои кории СҲШ Сергей Канавская, Вазири савдои хориҷии Ҷумҳурии Ӯзбекистон Ҷамшед Хоҷаев, ёрдамчии Вазири тиҷорати Ҷумҳурии Мардумии Чин Ли Чэган, муовини Вазири иқтисоди Ҷумҳурии Қирғизистон Элдар Алишеров, муовини Вазири рушди иқтисоди Федератсияи Россия Азер Талибов, Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон Сомнатх Гош, Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Нурлан Сейтимов, Сафири Фавқулода ва Мухтори Ҷумҳурии Исломии Покистон дар Ҷумҳурии Қазоқистон Имтиёз Аҳмад Қозӣ ва Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода иштирок намуданд.

Ҷаласа таҳти раёсати Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода баргузор гардида, иштирокдорон як зумра масъалаҳои марбут ба рушди минбаъда ва таҳкими ҳамкории минтақавии иқтисодиро баррасӣ карда,  аз ҷумла оид ба дурнамои ҳамкории тиҷоративу иқтисодӣ ва сармоягузорӣ дар минтақаи СҲШ мубодилаи афкор намуданд.

Рохбарони ҳайатҳо баъди муҳокимаи лоиҳаи нақшаи ҳисоботи Котиботи СҲШ оид ба татбиқи барномаи бисёрҷонибаи  ҳамкории иқтисодиву тиҷоратии кишварҳои аъзои СҲШ тавсия доданд, ки он тибқи тартиботи муқарраргардида барои тасдиқ ба ҷаласаи навбатии Шӯрои сарони ҳукуматҳои (сарвазирони) кишварҳои аъзои СҲШ, ки 11-12 октябри соли 2018 дар шаҳри Душанбе баргузор мегардад, пешниҳод карда шавад.

Маълумоти Котиботи СҲШ оид ба фаъолияти гурӯҳҳои корӣ дар вохӯрии вазирон шунида шуд. Низомнома дар бораи Гурӯҳи кории махсуси давлатҳои аъзои СҲШ оид ба ҳамкории гумрукӣ низ тасдиқ гардид.

Ҷонибҳо ба хулоса омаданд, ки оянда низ корро барои фароҳам овардани шароити мусоид ба иштирокчиёни фаъолияти иқтисодӣ дар кишварҳои СҲШ идома диҳанд.

Дар идома маълумоти ҷониби Ӯзбекистон оид ба лоиҳаи барномаи рушди ҳамкории байниминтақавӣ дар кишварҳои аъзои СҲШ шунида шуд. Намояндаи Шӯрои кории СҲШ дар бораи фаъолияти ин сохторҳо барои солҳои 2017-2018 ва афзалиятҳои соли 2019 иттилоъ дод.

Ҷаласаи навбатии вазирони масъули фаъолияти иқтисодӣ ва савдои хориҷии давлатҳои аъзои Созмони ҳамкории Шанхай  соли 2019 дар Ҷумҳурии Ӯзбекистон баргузор мегардад.

Аз рӯи натиҷаи вохӯрии вазирони масъули фаъолияти иқтисодӣ ва савдои хориҷии давлатҳои аъзои СҲШ Протокол ба имзо расонида шуд.

 

Сентябрь 19, 2018 15:30

Хабарҳои дигари ин бахш

Дар вилояти Суғд нақшаи ҷамъоварии пахта беш аз 131 ҳазор тонна пешбинӣ гардидааст
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид