Дар Душанбе Анҷумани VI Иттиҳоди байналмилалии иттифоқи касабаи кормандони маориф ва илм баргузор гардид
ДУШАНБЕ, 17.09.2018. /АМИТ «Ховар»/. Аз 13 то 15 сентябри соли равон дар шаҳри Душанбе Анҷумани VI Иттиҳоди байналмилалии иттифоқи касабаи кормандони маориф ва илм баргузор гардид. Дар он намояндагони кишварҳои Тоҷикистон, Озарбойҷон, Арманистон, Беларус, Қазоқистон, Қирғизистон ва Россия иштирок намуданд.
Тавре аз Вазорати маориф ва илми Ҷумҳурии Тоҷикистон хабар доданд, ҳамасола дар доираи нақшаи чорабиниҳои Иттиҳоди байналмилалии иттифоқи касабаи кормандони маориф ва илм Анҷумани иттиҳод дар яке аз кишварҳои узв доир мегардад. Ҳадаф аз баргузории анҷуманҳо- баланд бардоштани сатҳи ҳуқуқии дониши кормандон, таъмини музди меҳнат, истироҳат ва баҳамоиву дӯстии кишварҳои узв мебошад.
Дар Анҷумани мазкур муовини Вазири маориф ва илми Ҷумҳурии Тоҷикистон Фатҳиддин Усмонзода, кормандони Вазорат ва ҳайати 21-нафараи аъзои Иттиҳоди байналмилалии иттифоқи касабаи кормандони маориф ва илм иштирок намуданд.
Зимни ҷамъомад раиси Иттиҳоди байналмилалии иттифоқи касабаи кормандони маориф ва илм Галина Меркулова доир ба фаъолияти кории иттиҳод давоми панҷ соли охир ҳисобот дода, ба фаъолияти иттифоқи касабаи кормандони маориф ва илми Ҷумҳурии Тоҷикистон чунин баҳо дод: «Дар солҳои охир бо мақсади рушди минбаъдаи соҳа, ташаккули самти иҷтимоии худ ва таҳкими ҳифзи манфиатҳои иҷтимоиву иқтисодии коргарон, Иттифоқи касабаи кормандони маориф ва илми Ҷумҳурии Тоҷикистон бо Вазорати маориф ва илм ду созишномаи соҳавӣ ба имзо расонид. Ин иқдом, бешубҳа, барои инкишофи тамоюлҳо, ба монанди таҳсилот дар хориҷи кишвар, дастрасӣ ба таҳсилот, боло бурдани сифати таҳсилот, рақобатпазирии захираҳои инсонӣ таъсири мусбат расонид. Илова бар ин, аз 1 сентябри соли ҷорӣ музди меҳнати кормандони соҳаи маориф ва илм ва стипендияҳои донишҷӯён 15 фоиз афзуд».
Инчунин зимни ҷамъомад тавассути овоздиҳии озод раиси Иттиҳоди байналмилалии иттифоқи касабаи кормандони маориф ва илм барои панҷ соли оянда (2018-2023) интихоб гардид.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
