Душанбе ба даҳгонаи аввали шаҳрҳои ИДМ барои сафари тирамоҳӣ шомил шуд

ДУШАНБЕ, 19.09.2018 /АМИТ «Ховар»/. Агентии таҳлилии сайёҳии «TourStat» шаҳрҳои машҳуртарини Иттиҳоди Давлатҳои Мустақилро (ИДМ) барои сафари тирамоҳии сайёҳони рус пешниҳод намуд.

Душанбе ба даҳгонаи аввали шаҳрҳои машҳуртарини ИДМ барои сафари тирамоҳӣ шомил шуд.

Минск, Остона, Боку, Ереван, Тошканд, Алмаато, Бишкек, Кишинев, Душанбе ва Ашқобод ба даҳгонаи шаҳрҳои кишварҳои ИДМ, ки миёни сайёҳони рус машҳуранд, ворид гардиданд.

Раддабандӣ аз рӯи натиҷаҳои таҳлилии сафарҳои сайёҳӣ дар тирамоҳи соли 2018 тартиб дода шудааст.

Бино ба маълумоти «Turstat», сайёҳон ба шаҳрҳо ва кишварҳои ИДМ ба ҳисоби миёна 3 сафар карда, барои будубош ва хӯрок аз $30 то $80 харҷ мекунанд.