ФУТБОЛ: «Хуҷанд»-и Хуҷанд ба даври ½- ниҳоии Ҷоми Тоҷикистон баромад

ДУШАНБЕ, 17.09.2018 /АМИТ «Ховар»/. «Хуҷанд»-и Хуҷанд баъди бозии баргашти даври ¼ — ниҳоии Ҷоми Тоҷикистон бо дастаи “Барқчӣ”-и Ҳисор, ки шоми дирӯз дар Варзишгоҳи “20-солагии Истиқлолияти Тоҷикистон” баргузор гардид, ба даври ½-ниҳоӣ баромад.

Бозии аввали ин дастаҳо дар Варзишгоҳи марказии шаҳри Ҳисор бо ғалабаи дастаи “Хуҷанд” бо ҳисоби 2:0 ба анҷом расида буд. Дар бозии баргашт “Барқчӣ” ташаббус нишон дода, тавассути тӯбҳои задаи Шарфҷон Солеҳов (30, 1:0) ва Тоҳир Малодӯстов (31, 2:0) натиҷаи умумиро дар силсилаи ду бозӣ баробар кард.

Ду қисми иловагӣ низ натиҷаи дилхоҳ надод ва довар барои муайян кардани ғолиб ба задани силсилазарбаҳои 11-метра рӯ овард. Дар натиҷа футболбозони соҳили Сир бо натиҷаи 4:2 ғалаба карда, ба даври бозиҳои ½-ниҳоӣ роҳхат гирифтанд ва ҳамакнун ғолиби ҷуфти “Регар-ТадАЗ” ва “Хатлон”-ро интизор мешаванд.

Ёдовар мешавем, ки ҷуфти аввал дар бозиҳои ½-ниҳоӣ- “Истиқлол” ва дастаи лигаи якум-“Душанбе-83” муайян шудаанд.

Ҷоми Тоҷикистон

1/4 -ниҳоӣ. Бозии баргашт

«Хуҷанд» – «Барқчӣ» – 0:2. Силсилаи зарбаҳои 11-метра – 4:2

Голҳо: Шарафҷон Солеҳов, 30 (0:1). Тоҳир Малодӯстов, 31 (0:2).

Силсилаи зарбаҳои 11-метра: Манучеҳр Сафаров – 0:0 (сутуни дарвоза). Манучеҳр Ахмедов – 1:0. Абдулмӯмин Забиров – 1:0 (хато). Дмитрий Горбушин – 2:0. Шарафҷон Солеҳов – 2:1. Ҷаҳонгир Эргашев – 3:1. Ҳувайдои Гулмурод – 3:2. Соҳибҷон Ҳакимов – 4:2.

«Хуҷанд» (Хуҷанд): Алексей Матросов, Ҳасан Рустамов (Манучеҳр Ахмедов, 62), Хуршед Бекназаров, Соҳибҷон Ҳакимов, Дмитрий Бондар, Бахтиёр Чориев, Обидҷон Ҳакимов (Дмитрий Горбушин, 77), Мехроҷ Шарифзода (Вусал Магеррамов, 91), Дилшодҷон Каримов, Дилшод Бозоров (Фарҳод Тоҳиров, 54), Ҷаҳонгир Эргашев.

«Барқчӣ» (Ҳисор): Шохрух Қирғизбоев, Султоншо Мирзоев, Зиёвуддин Фузайлов, Оятулло Сафаров, Ҳусейн Нурматов (Ҳувайдои Гулмурод, 120), Манучеҳр Сафаров, Шервонӣ Мабатшоев, Далер Ёдгоров (Саидмухтор Азимов, 82), Абдулмӯмин Забиров, Шарафҷон Солеҳов, Тоҳир Малодӯстов (Нуриддин Ҳамроқулов, 62).

Огоҳӣ: Хуршед Бекназаров, Обидҷон Ҳакимов, Сохибҷон Ҳакимов («Хуҷанд»), Оятулло Сафаров, Шоҳрух Қирғизбоев («Баркчӣ»).

Бозингари беҳтарин: Шоҳрух Қирғизбоев («Барқчӣ»).

Довар дар майдон: Хусрави Сиддиқзод (Душанбе).

Нозири доварон: Абдулло Алимов (Ҳамадонӣ).

16 сентябр. Хуҷанд. Варзишгоҳи «20-солагии Истиқлолияти Тоҷикистон». 3000 тамошобин.

Бозии аввал – 2:0.