ФУТБОЛ: Имрӯз бозии ¼-ниҳоии Ҷоми Тоҷикистон баргузор мегардад

ДУШАНБЕ, 4.09.2018 /АМИТ «Ховар»/. Имрӯз дар Варзишгоҳи марказии пойтахт, соати 16:30 бозии якуми ¼ -ниҳоии Ҷоми Тоҷикистон байни дастаҳои «Истиқлол» ва «Локомотив-Помир»-и Душанбе баргузор мегардад.

То ин дам дар ҷараёни рақобатҳои ¼-ниҳоӣ дастаи «Барқчӣ» дар майдонаш аз «Хуҷанд» бо ҳисоби 0:2, «Хатлон» аз «Регар-ТадАЗ» 0:3 ва «Файзканд»-и Восеъ аз «Душанбе-83» бо ҳисоби 0:1 мағлуб гардиданд. Ба ақидаи коршиносони футболи кишвар,  бо ин дастаҳои ғолиб қадами устувори худро ба бозиҳои нимниҳоӣ гузоштанд.

Тавре аз Федератсияи футболи мамлакат хабар доданд, бозиҳои ҷавобӣ охири моҳи сентябр доир хоҳанд шуд.