Дар Душанбе ҷаласаи ҳаштуми Комиссияи муштараки байниҳукуматии Тоҷикистону Туркманистон оғоз гардид
ДУШАНБЕ, 25.10.2018 /АМИТ «Ховар»/. Имрӯз дар Душанбе ҷаласаи ҳаштуми Комиссияи муштараки байниҳукуматии Тоҷикистону Туркманистон оид ба ҳамкории иқтисодию тиҷоратӣ ва илмию техникӣ ба кори худ шурӯъ кард.
Тавре аз маркази матбуоти Вазорати энергетика ва захираҳои оби Ҷумҳурии Тоҷикистон ба АМИТ «Ховар» хабар доданд, ҳайати Ҷумҳурии Тоҷикистонро Вазири энергетика ва захираҳои оби Ҷумҳурии Тоҷикистон Усмоналӣ Усмонзода роҳбарӣ намуда, аз Туркманистон гурӯҳи калони коршиносон бо роҳбарии вазири молия ва иқтисоди Туркманистон Батир Базаров ташриф овардаанд.
Дар ҷаласа намояндагони салоҳиятдори соҳаҳои мухталифи ҳар ду давлат дар бораи вазъи иқтисодии кишварҳои худ ва ислоҳоти дар доираи Ҳадафҳои рушди устувор амалишаванда, иҷрои санадҳои дуҷониба, бандҳои дахлдори Барномаи ҳамкории тиҷоратию иқтисодӣ ва фарҳангиву гуманитарӣ байни Ҳукумати Ҷумҳурии Тоҷикистон ва Ҳукумати Туркманистон барои солҳои 2014-2016 маълумот манзур намуданд.
Ҳамчунин рафти иҷрои муқаррароти Протоколи ҷаласаи ҳафтуми Комиссия маълумоти муфассал пешниҳод намуда, тибқи рӯзномаи ҷаласа самтҳои мухталифи ҳамкории минбаъдаи мутақобилан судмандро мавриди баррасӣ қарор доданд.
Тавсия дода шуд, ки тарафҳо корҳоро ҷиҳати тақвият бахшидани ҳамкории тиҷоратию иқтисодӣ, фарҳангию гуманитарӣ, илму маориф, энергетика, нақлиёту коммуникатсия, мубодилаи иттилоот оид ба лоиҳаҳои сармоягузорӣ ва тиҷоратии имконпазир ҷоннок намуда, вобаста ба сари вақт ва дар сатҳи зарурию пурра амалӣ намудани бандҳои Протоколи ҷаласаи ҳаштум тадбирҳои зарурӣ андешанд.
Ҷаласаи мазкур ду рӯз идома карда, дар назар аст, ки пагоҳ аз натиҷаи кори он Протоколи ҷаласаи ҳаштуми Комиссияи муштараки байниҳукуматии Тоҷикистону Туркманистон оид ба ҳамкории иқтисодию тиҷоратӣ ва илмию техникӣ ба имзо расонида шавад.
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
