Дар Душанбе ҷаласаи Шӯрои сарони ҳукуматҳо (сарвазирон)-и давлатҳои аъзои Созмони ҳамкории Шанхай (СҲШ) ба кори худ оғоз кард
ДУШАНБЕ, 12.10.2018 /АМИТ «Ховар»/. Дар шаҳри Душанбе ҷаласаи Шӯрои сарони ҳукуматҳо (сарвазирон)-и давлатҳои аъзои Созмони ҳамкории Шанхай (СҲШ) ба кори худ оғоз кард.
Хабарнигори АМИТ«Ховар» Мавҷуда АНВАРӢ аз макони баргузории ҷаласа- Бӯстонсарои ҳукуматии «Кохи Сомон» хабар медиҳад, ки ҷаласаи навбатии Шӯрои сарони ҳукуматҳо (сарвазирон) таҳти раёсати Сарвазири Ҷумҳурии Тоҷикистон Қоҳир Расулзода ифтитоҳ гардид.
Сарвазири Ҷумҳурии Тоҷикистон иштирокдорони ҷаласаро ба сарзамини Тоҷикистон хайрамақдам гуфта, изҳори боварӣ намуд, ки ҷаласа дар сатҳи баланд баргузор хоҳад гашт.
Қоҳир Расулзода, аз ҷумла иброз дошт, ки «тайи солҳои охир миёни мо барои ҳалли мушкилоти иқтисодии минтақа ва ҷаҳон таҷрибаи хуби мубодилаи афкор дар фазои дӯстӣ ва созандагӣ сурат мегирад. Дар ин росто дар доираи СҲШ маҷмӯи васеи масоили ҳамкории иқтисодӣ ва гуманитарӣ баррасӣ мешаванд. Умедворам, ки имрӯз мо ин самтро идома дода, таваҷҷуҳи худро барои баланд бардоштани самаранокии кори созмон ба самти иқтисодиёт равона хоҳем кард».
Ёдовар мешавем, ки дар ҷаласа Сарвазири Ҷумҳурии Қазоқистон Бахитжан Сагинтаев, Сарвазири Ҷумҳурии Қирғизистон Муҳаммедкали Абилгазиев, Сарвазири Шӯрои давлатии Ҷумҳурии Мардумии Чин Ли Кетсян, Раиси Ҳукумати Федератсияи Россия Дмитрий Медведев, Сарвазири Ҷумҳурии Ӯзбекистон Абдулло Орипов, Вазири корҳои хориҷии Ҳиндустон Сушма Свараҷ, Вазири корҳои хориҷии Покистон Мақдум Шоҳ Маҳмуд Қурайшӣ, инчунин роҳбари ҳайатҳои давлатҳои нозири СҲШ ва роҳбарони созмонҳои байналмилалӣ иштирок доранд.
Роҳбарони ҳайатҳои Ҳиндустон, Қазоқистон, Қирғизистон, Чин, Покистон, Россия, Тоҷикистон ва Ӯзбекистон ҷараёни татбиқи Барномаи ҳамкории бисёрҷонибаи тиҷоративу иқтисодӣ, кори Шўрои соҳибкорӣ ва Иттиҳоди байнибонкии СҲШ-ро баррасӣ карда, як зумра қарорҳоро дар бораи ҷанбаҳои гуногуни фаъолияти созмон, аз ҷумла тасдиқ намудани буҷаи он барои соли 2019 ва Изҳороти муштарак қабул мекунанд.
Сипас ҷаласаи Шӯрои сарони ҳукуматҳо (сарвазирон) дар ҳайати васеъ бо иштироки ҳайатҳои давлатҳои нозир ва шарик дар муколамаи СҲШ сурат мегирад.
Дар ҷаласа намояндагони кишварҳои Афғонистон, Беларус, Эрон ва Муғулистон ба ҳайси нозир иштирок доранд.
Ҷаласаи Шӯрои сарони ҳукуматҳо (сарвазирон)-и давлатҳои аъзои Созмони ҳамкории Шанхайро зиёда аз 500 нафар рўзноманигорони дохилию хориҷӣ инъикос мекунанд.
Таҷлили Рӯзи Президенти Ҷумҳурии Тоҷикистон дар Туркманистон
ИСТИҚЛОЛИЯТ БА ТОҶИКИСТОН ЭМОМАЛӢ РАҲМОН – СИЁСАТМАДОРИ САТҲИ ҶАҲОНИРО ДОД. Эътироф ва тафсири мақоми шоистаи Пешвои миллат аз ҷониби шахсиятҳои ҷаҳон
16 — НОЯБР РӮЗИ ПРЕЗИДЕНТ. Нигоҳе ба таҳаввул ва ташаккули ниҳоди президентӣ дар Тоҷикистон
Дар Кувайт ҷашнҳои давлатӣ ва муҳими Тоҷикистон таҷлил карда шуданд
ТАШАББУСҲОИ ТОҶИКИСТОН — ҲАЛЛИ МУШКИЛОТИ ДАР ПЕШОРӮИ ҶОМЕАИ ҶАҲОНӢ ҚАРОРДОШТА. Эҳдо ба Рӯзи Президент
ИДОРАКУНИИ ПРЕЗИДЕНТӢ – шакли муассири идоракунии давлатӣ ва равнақбахши Тоҷикистони соҳибистиқлол
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
ТАШАББУСИ ШОИСТАИ ПЕШВОИ МИЛЛАТ ОИД БА ТАҲКИМИ СУЛҲ БА ХОТИРИ НАСЛҲОИ ОЯНДА. Дар ҳошияи пешниҳоди Президенти Тоҷикистон вобаста ба қабули қатъномаи махсуси СММ оид ба «Даҳсолаи таҳкими сулҳ ба хотири наслҳои оянда»
Тоҷикистон ва Ҷумҳурии Корея оид ба татбиқи лоиҳаҳои афзалиятноки иқтисодиву иҷтимоӣ табодули афкор намуданд
Дар Женева имконоти соҳаи кишоварзии Тоҷикистон муаррифӣ шуданд
ГЕОСТРАТЕГИЯ ВА ГЕОПОЛИТИКАИ ПРЕЗИДЕНТИ ТОҶИКИСТОН ДАР ДАВРОНИ СОҲИБИСТИҚЛОЛӢ. Ба Рӯзи Президент бахшида мешавад
Намояндаи Тоҷикистон дар ҷаласаи сатҳи баланд оид ба барқарорсозии муассир ва ҳамгироии бозгаштагон аз минтақаҳои ҷангзада иштирок намуд
