Варзишгарони қаиқрони тоҷик барои иштирок дар Чемпионати Осиё-2018 ба Самарқанд сафар карданд

ДУШАНБЕ, 19.10.2018 /АМИТ «Ховар»/. Аз 20 то  25 октябр дар шаҳри Самарқанди Ҷумҳурии Ӯзбекистон Ҷоми Осиё миёни калонсолон ва Чемпионати Осиё миёни варзишгарони то 23-сола оид ба қаиқронӣ баргузор мешавад.

Дар ин бора ба мухбири АМИТ «Ховар» Меҳрони  Қурбон котиби генералии Федератсияи қаиқронии Тоҷикистон Нодир Сафаров хабар дод. Ба иттилои мавсуф, дастаи мунтахаби Тоҷикистон дар ҳайати 28 нафар (23 варзишгар, 5 мураббӣ) ҷиҳати иштирок дар мусобиқаҳои мазкур имрӯз ба шаҳри Самарқанд сафар кард.

Ба иттилои  номбурда варзишгарони мо дар Ҷоми Осиё дар қувваозмоиҳои К1, К2 – 200м, 1000м, К4 – 500м, С1, С2 – 200 м, 1000 м; С4 – 500м, дар Чемпионати Осиё миёни ҷавонони то 17-сола дар қувваозмоиҳои К1 – 200м, 500м, 1000м; К2 – 200м, 1000м; К4 – 500м, С1 – 200м, 500м, 1000м; С2 – 200м, 1000м; С4 – 500м, миёни ҷавонони то 23-сола қувваозмоиҳои К1, К2 – 200м, 500м, 1000м; К4 – 500м, 1000м, С1, С2 – 200м, 500м, 1000м; С4 – 500м, 1000м (писарон), К1, К2 – 200м, 500м, К4 – 500м, С1, С2 – 200м, 500м, С4-500м (духтарон) қувва месанҷанд.

Ёдовар мешавем, ки дар мусобиқаҳои мазкур иштироки варзишгарон аз 15 давлати Осиё дар назар аст.