ФУТЗАЛ: дастаҳои мунтахаби ҷавонони Тоҷикистон ва Афғонистон бозиҳои дӯстона мегузаронанд

ДУШАНБЕ, 27.11.2018 /АМИТ «Ховар»/.  Шоми дирӯз дар Маҷмааи варзишии «Қасри варзиш»-и шаҳри Хуҷанд байни  дастаҳои мунтахаби ҷавонони футзали Тоҷикистон ва Афғонистон бозии дӯстона баргузор шуд.

Тавре аз Федератсияи футболи Тоҷикистон ба мухбири АМИТ «Ховар» хабар доданд,  дар ин бозии ҷолиб  футзалбозони тоҷик аз дастаи мунтахаби  Афғонистон бо ҳисоби  1:3 мағлуб шуданд. Ягона голи дастаи мунтахаби Тоҷикистонро Рабиҷон Рабиев ба нишон  расонид.

Ёдовар мешавем, ки шоми  имрӯз  дастаи  мунтахаби Тоҷикистон ва  дастаи  мунтахаби  Афғонистон бозии дуюми дӯстона баргузор мекунанд. Дидори мазкур соати 18:00 дар назар аст. Хотиррасон мекунем, ки ин бозиҳои дӯстона як марҳилаи омодагӣ ба Чемпионати Осиё-2019 мебошанд.