Таҳти раёсати Тоҷикистон дар Москва ҷаласаи Комиссия оид ба масъалаҳои иқтисодии ИДМ баргузор гардид
ДУШАНБЕ, 16.11.2018 /АМИТ «Ховар»/. Дар шаҳри Москва 14 ноябр бо раисии Сафири Фавқулода ва Мухтори Ҷумҳурии Тоҷикистон дар Федератсияи Россия Имомуддин Сатторов ҷаласаи Комиссия оид ба масъалаҳои иқтисодии назди Шӯрои иқтисодии ИДМ баргузор гардид, ки дар кори он намояндагони комилҳуқуқи давлатҳои ИДМ, инчунин намояндагони аршади вазорату идораҳои соҳавии давлатҳои иштирокдори ИДМ ширкат варзиданд.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, тибқи рӯзномаи ҷаласа, аъзои Комиссия лоиҳаи ҳуҷҷатҳоро оид ба ҳамкорӣ дар соҳаи таъмини амнияти иттилоотӣ, тартиби транзити борҳо, гузаронидани амалиёт ва назорати гумрукӣ зимни таҳвили мол баррасӣ намуданд.
Ҳамчунин ба таваҷҷуҳи иштирокдорони ҷаласа натиҷаҳои татбиқи амалии ҳуҷҷатҳои қаблан қабулшуда, маълумот оид ба бозори хизматрасониҳои суғуртавӣ ва бозори таблиғи давлатҳои иштирокдори ИДМ, шарҳномаи сиёсати савдои Ҷумҳурии Тоҷикистон ва ҳисоботи фаъолияти Шӯрои байнидавлатии ҳамоҳангсозӣ оид ба иттилооти илмию фановарӣ пешниҳод гардид.
Қарор қабул шуд, ки ҷаласаи навбатӣ 19 декабри соли 2018 дар Москва баргузор гардад.
Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
