Дар кишвари Хабаровски Федератсияи Россия Ҳафтаи фарҳангии «Мардуми тоҷики ман» ҷараён дорад
ДУШАНБЕ, 08.12.2018. /АМИТ «Ховар»/. Бахшида ба Соли рушди сайёҳӣ ва ҳунарҳои мардумӣ дар донишгоҳҳои олии кишвари Хабаровски Федератсияи Россия бо ибтикори фаъолон ва роҳбарони ҷамъиятҳои дӯстии тоҷикон Ҳафтаи фарҳангии «Мардуми тоҷики ман» оғоз гардид, ки тайи як моҳ идома меёбад.
Дар робита ба ин Ҳафтаи фарҳангӣ чанде пеш бо ибтикори Консули генералии Ҷумҳурии Тоҷикистон дар кишвари Новосибирск Зардӣ Шамсиддин, узви фаъоли ҷамъияти тоҷикони Хабаровск Сироҷиддини Раҷабиён ва раиси тоҷикони кишвари Хабаровск Моҳтоб Ғафурова дар донишгоҳҳои кишвари Шарқи Дур ҷамъомади донишҷӯёни донишгоҳҳои олии кишвар бо намояндагони ҷамъиятҳои тоҷикон баргузор гардид.
Пеш аз оғози ҷамъомад маҳсули дасти тарроҳону чакандӯзҳои тоҷик, китобҳои адибони классик, мусаввараҳо бо манзараҳои табиати нотакрори Ватанамон, хӯрокҳои миллии тоҷикона, чун оши палов, самбусаҳо, мошкичирӣ, шакаробу оши бурида, фатирмаскаву ширбат, турушбату нашоиста, нонҳои гирдачаву чаппотӣ, кулчаҳо ва дигар намудҳои хӯрокҳои миллиамон ба тамошо гузошта шуданд.
Аз намоишгоҳи мазкур дар қатори ҳазорҳо нафар донишҷӯён ҳамчунин сокинони маҳаллӣ дидан карда, бо ҳунару маҳорати бонувону ҳунармандони тоҷик шинос гардиданд. Меҳмонон бори дигар итминон пайдо намуданд, ки тоҷикон миллати қадимтарину соҳибфарҳанг ва зеборӯзгору донишманду пешрафтаанд. Онҳо миллате ҳастанд, ки метавон аз таъриху фарҳанги бойю рангинашон омӯхту ибрат гирифт.
Дар ҷамъомад миёни донишҷӯён дар бораи таъриху фарҳанги тоҷикон, шаҳрҳои қадимии онҳо, расму оинҳои ниёгон викторинаи адабӣ гузаронида шуда, ғолибон бо туҳфаҳои хотиравии ҷамъияти тоҷикони Шарқи Дур ва тоҷикони саховатпеша- Сироҷиддин Раҷабиён ва Моҳтоб Ғафурова қадрдонӣ гардиданд.
Бояд гуфт, ки баргузории чунин барномаҳои фарҳангӣ дар шинохту муаррифии миллат ва расму оинҳои миллии тоҷикон нақши муҳим мегузорад.
Садбарги БОҚӢ,
хабарнигори
АМИТ «Ховар» дар ФР
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Ҳайати Донишгоҳи байналмилалии сайёҳӣ ва соҳибкорӣ дар конфронси байналмилалӣ дар Чин иштирок намуд
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
Дар Исфара оид ба ташаббусҳои Президенти Тоҷикистон дар рушди сайёҳӣ ҳамоиш баргузор шуд
Дар Федератсияи варзиши сайёҳии Тоҷикистон ҷаласаи ҳисоботӣ – интихоботӣ доир гардид
РОҒУН-ШАҲРИ ПИСАНДИДАИ МЕҲМОНОН. Дар нуҳ моҳ беш аз 7 ҳазор сайёҳони хориҷӣ ва дохилӣ ба тамошои он омаданд
Бахшида ба Рӯзи Президенти Ҷумҳурии Тоҷикистон дар Душанбе хатсайрҳои сайёҳӣ ташкил гардиданд
