Дар ноҳияи Фирдавсии шаҳри Душанбе кӯдакистони №131 баъди навсозӣ мавриди истифода қарор гирифт

Декабрь 27, 2018 18:32

ДУШАНБЕ, 27.12.2018 /АМИТ «Ховар»/.  27 декабр Раиси шаҳри Душанбе Рустами Эмомалӣ дар маҳаллаи Гулбуттаи ноҳияи Фирдавсии пойтахт муассисаи  таълимии томактабии №131 — ро, ки бо тарҳи назаррабо ва дар масоҳати 1600 метри мураббаъ бунёд шудааст, ифтитоҳ намуд. 

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, ин муассисаи томактабӣ соли 1974  барои 100 нафар тарбиятгиранда сохта шуда буд.

Дар ин муддат  кӯдакистони мазкур  ягон маротиба  таъмири асосиро  надида, шароити он ба ягон талаботи меъёрию стандартӣ ҷавобгӯ набуд.

Дар асоси талошҳои созандаи Раиси шаҳри Душанбе Рустами Эмомалӣ сохтмони ин  муассиса  аз нав ба нақша гирифта шуд.  Он бо фармоиши Мақомоти иҷроияи ҳокимияти давлатии шаҳри Душанбе дар асоси лоиҳаи ҶДММ «Неъматуллоҳ-2000» пудратчӣ — ҶДММ «Ниёз»  бо сифати баланд ва ҷавобгӯ ба талаботи имрӯза мавриди баҳрабардорӣ қарор дода шуд.

Бояд зикр намуд, ки  бинои нави кӯдакистони рақами 131 дар ноҳияи Фирдавсӣ бо маблағи  тақрибан 5 миллион сомонӣ сохта шуда, аз се ошёна ва таҳхона  иборат буда, барои 110 тарбиятгиранда пешбинӣ шудааст.

Ҳамчунин дар ин боғчаи бачагона тамоми асбобу анҷоми хониш барои  машғулиятҳои гуногун ва буду боши кӯдакон муҳайё карда шудааст.

Муассисаи таълимии томактабӣ дорои айвонча,  ҳуҷраи хоб, толори бозии кӯдакон,  варзишгоҳ, синфи мусиқӣ, утоқи корӣ, ошхона ва дигар иншооти ёрирасон мебошад.

Ба мақсади беҳтар  ба роҳ мондани таълиму тарбияи кӯдакон дар ин муассисаи томактабӣ омӯзиш ба ду забон -тоҷикӣ ва  русӣ ба роҳ монда шудааст.

Зимни шиносоӣ бо иншооти мазкур Раиси шаҳри Душанбе Рустами Эмомалӣ ба сифати корҳои анҷомдодашуда баҳои баланд дода, таъкид намуд, ки барои таълим ва тарбияи дурусти кӯдакон бояд аз ҳамаи имкониятҳои мавҷуда истифода бурд, зеро онҳо ояндаи давлату миллатанд.

Вобаста ба ин Раиси шаҳр ба мураббиёну тарбиятгарони муассисаи мазкур  дастур дод, ки дар тарбияи кӯдакон ҷиддӣ ва масъулиятшинос бошанд.

Декабрь 27, 2018 18:32

Хабарҳои дигари ин бахш

Пагоҳ дар Душанбе ба муносибати Рӯзи Ваҳдати миллӣ барномаи фарҳангӣ доир мешавад
Дилбар Одилзода: «Ваҳдати миллӣ ва рушди зан дар Тоҷикистон ду раванди бо ҳам пайвастанд»
Раиси шаҳри Душанбе бинои шуъбаи Вазорати корҳои дохилӣ дар ноҳияи Исмоили Сомониро ифтитоҳ намуданд
Рустами Эмомалӣ роҳи мошингарди кӯчаи Бухоро пайваст ба кӯчаи Ҳабибулло Назаровро мавриди истифода қарор доданд
Рустами Эмомалӣ бо Шайх Сурур бин Муҳаммад Оли Наҳён мулоқот намуданд
Тавсеаи робитаҳои бародаршаҳрӣ байни Душанбе ва Теҳрон баррасӣ гардид
Раиси шаҳри Душанбе бо губернатори Ҳукумати мардумии музофоти Шенсии Чин мулоқот намуданд
Рустами Эмомалӣ бо Сафири Ҷопон дар Тоҷикистон Кейко Фурута мулоқот намуданд
Дар Тоҷикистон экспедитсияи сайёҳии «Саёҳат ба қалби Авруосиё-2025» баргузор мешавад
Рустами Эмомалӣ бо Кетрин Мери Рассел мулоқот намуданд
Раиси шаҳри Душанбе Рустами Эмомалӣ бо Раиси Шурои директорони шабакаи телевизионии «Евронюс» Педро Варгас Сантос Давид мулоқот намуданд
Бахшида ба Рӯзи ҷавонони Тоҷикистон ҳамоиши табибони ҷавони шаҳри Душанбе баргузор шуд