Дар ноҳияи Рӯшон варзишгоҳи муосир бо 8 ҳазор ҷои нишаст бунёд мегардад
ХОРУҒ, 22.12.2018 /АМИТ «Ховар»/. Дар маркази ноҳияи Рӯшони Вилояти Мухтори Кӯҳистони Бадахшон ба бунёди яке аз калонтарин варзишгоҳ дар ин минтақаи кӯҳистони мамлакат оғоз намуданд.
Сардори Раёсати ҷавонон ва варзиши вилоят Сураҷ Чоршанбиев гуфт, ки «ин варзишгоҳ 8 ҳазор ҷои нишаст дорад ва майдони футболи он ба меъёрҳои муосири ин намуди дӯстдоштаи ҷавонон мутобиқ мебошад. Дар ин ҷо барои баргузор кардани мусобиқаҳои маҳаллию ҷумҳуриявӣ тамоми шароит муҳайё карда мешавад. Маблағгузории варзишгоҳро Дирексияи сохтмони иншооти ҳукуматии назди Дастгоҳи иҷроияи Президенти Ҷумҳурии Тоҷикистон бар уҳда дорад. Қитъаи замине, ки барои варзишгоҳ ҷудо шудааст, нокорам буда, дар канори рӯдхонаи Панҷ ҷойгир аст. Аз ин рӯ барои бинокорони Ҷамъияти масъулияташ маҳдуди «Инвесстрой» аввал зарур аст, ки заминро ҳамвор ва қабати болоиашро аз сангу рег пур кунанд. Баръакси ҳол, баъди баланд шудани сатҳи дарё дар фасли тобистон фурӯравии замин аз эҳтимол дур нест. Барои ҳамворкунӣ ва таҳкими таҳкурсии биноҳои маъмурию маишии варзишгоҳ 670 ҳазор сомонӣ ҷудо шудааст».
Бояд гуфт, ки соли 2010 баъди навсозӣ шумораи курсиҳои варзишгоҳи шаҳри Хоруғ аз 2 ҳазор то ба 5 ҳазор расонда шуд. Он то ба ҳол яке аз варзишгоҳҳои калони вилоят ба шумор меравад.
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
