Дар шаҳрҳои саноатии Суғд ярмаркаҳои фурӯши маҳсулоти кишоварзӣ ҷараён доранд

Декабрь 26, 2018 10:34

ХУҶАНД, 26.12.2018 /АМИТ «Ховар»/.  Дар ин рӯзҳо бо ибтикори Мақомоти иҷроияи ҳокимияти давлатии вилояти Суғд дар чор шаҳри саноатии вилояти Суғд ярмаркаҳои фурӯши маҳсулоти кишоварзӣ ҷараён дошта, то 31 декабр идома меёбанд. Мақсад аз ташкили ин ярмаркаҳо баланд бардоштани сатҳи зиндагии мардум, мусоидат дар таъмини захираи маҳсулот аз тарафи аҳолӣ, дастрасии мардум ба маҳсулоти хушсифати озуқаворӣ, инчунин  ғанӣ намудани хони солинавии сокинони шаҳру ноҳияҳои кишвар мебошад.

Раиси вилояти Суғд Раҷаббой Аҳмадзода зимни боздид аз растаҳои гуногуни ярмарка иброз дошт, ки таъмини амнияти озуқавории мамлакат, ғанӣ гардонидани бозори истеъмолӣ ва баланд бардоштани сатҳи некӯаҳволии аҳолӣ яке аз самтҳои афзалиятнок ва муҳими сиёсати давлатии Ҳукумати Ҷумҳурии Тоҷикистон маҳсуб ёфта, дар ин ҷода таҳти роҳнамоии бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тадбирҳои зарурию судманд пайваста амалӣ карда мешаванд. Ҳамзамон таъкид шуд, ки бояд нархи фурӯши маҳсулот дар бозор 10-20 фисад арзон бошад.

Зикр шуд, ки давоми ёздаҳ моҳи соли равон ҳаҷми умумии истеҳсоли маҳсулоти кишоварзӣ дар ҳамаи шаклҳои хоҷагидории вилоят қариб ба 7,5 млрд. сомонӣ расид.

Аз ҷумла, аз оғози соли 2018 то имрӯз дар шаҳрҳои саноатии Суғд — Хуҷанд, Бӯстон, Гулистон ва Истиқлол дар маҷмӯъ 50 маротиба чунин ярмаркаҳо ташкил гардида, дар онҳо ба сокинон зиёда аз 3566,3 тонна маҳсулот бо нархҳои 20-30 фоиз арзонтар пешниҳод гардонида шуданд.

Декабрь 26, 2018 10:34

Хабарҳои дигари ин бахш

ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд