Дастаи мунтахаби Тоҷикистон дар Малайзия соҳиби 5 медали биринҷӣ гардид

ДУШАНБЕ, 04.12.2018 /АМИТ «Ховар»/. Теннисбозони   ҷавони тоҷик  дар мусобиқаи байналмилалӣ дар шаҳри Пенанги Малайзия 5 медали биринҷӣ ба даст оварданд.

Тавре  корманди Федератсияи  тенниси  Тоҷикистон Далер Қурбонов ба мухбири АМИТ «Ховар» хабар дод, дар мусобиқаи мазкур миёни наврасону ҷавонон медалҳоро Хушбахт Каримов, Исамҷон Шарифов, Аминҷон Абдуллоев, Ёсуман Салимова ва Диана Иванихина   сазовор шуданд.

Бояд зикр кард, ки дар ин мусобиқа варзишгарон аз 20 давлати Осиё, ҳамчунин кишварҳои Британияи Кабир, Россия, Австралия ширкат доштанд.

Ёдовар мешавем, ки ҳафтаи гузашта дар мусобиқаи дигари сатҳи байналмилалӣ дар Малайзия теннисбоздухтарон аз Тоҷикистон Ёсуман Салимова медали нуқра ва Диана Иванихина медали биринҷӣ ба даст оварда буданд.