Дар ҷамоатҳои шаҳраку деҳоти шаҳри Турсунзода Паёми навбатии Пешвои миллатро ба сокинон шарҳу тавзеҳ доданд
ТУРСУНЗОДА, 19.01.2019 /АМИТ «Ховар»/. Бо мақсади шарҳи муҳтавои Паёми навбатии Президенти Ҷумҳурии Тоҷикистон ба Маҷлиси Олии мамлакат дар шаҳри Турсунзода вохӯриҳои Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Маҳмадалӣ Ватанзода ва вакили Маҷлиси намояндагони Маҷлиси Олии Ҷумҳурии Тоҷикистон Садриддин Шарипов бо аҳолии шаҳр баргузор гардиданд. Дар ин бора аз маркази матбуоти раиси шаҳри Турсунзода ба хабарнигори АМИТ «Ховар» иттилоъ доданд.
Маҳмадалӣ Ватанзода Паёми Президенти мамлакатро мавриди шарҳ қарор дода, таъкид дошт, ки «дар Паёми навбатии Пешвои миллат муҳтарам Эмомалӣ Раҳмон самтҳои асосии сиёсати дохилӣ ва хориҷии мамлакат, масъалаҳои ҳифзи дастовардҳои даврони соҳибистиқлолӣ, худшиносиву худогоҳӣ, пойдории ваҳдату суботи кишвар арзёбӣ гардидааст. Он ҳамаи самтҳои ҳаёти мамлакатро муайян менамояд ва ҷиҳати баланд бардоштани сатҳи некӯаҳволии мардум ҳар яки моро восозад, ки ҷиҳати иҷрои дастуру супоришҳои Сарвари давлат кӯшиши ба харҷ диҳем».
Зикр гардид, ки Паёми навбатии Президенти мамлакат ҳамчунин масъулияти занонро беш аз пеш боло бурдааст. Аз ҷониби муҳтарам Пешвои миллат ба модарону бонувони кишвар таъкид гардид, ки дар риояи қонунҳои миллӣ «Дар бораи танзими анъана ва ҷашну маросими миллӣ» ва «Дар бораи масъулияти падару модар дар таълиму тарбияи фарзанд» фаъол гарданд. Ҳамзамон модаронро мебояд, ки фарзандонро дар рӯҳияи илмомӯзиву ватанпарастӣ, хизмати содиқона ба Ватан, сарфаю сариштакорӣ ҳидоят намуда, дар эҳёи ҳунарҳои мардумӣ, риояи расму ойин, анъанаву суннатҳо, фарҳанги миллӣ ва поку беолоиш нигоҳ доштани забони тоҷикӣ саҳми муносиб гузоранд.
Ҳамчунин аз ҷониби гурӯҳи корӣ зимни вохӯрӣ бо кормандони КВД «Ширкати алюминийи тоҷик» Паёми навбатӣ мавриди тавзеҳ қарор гирифт. Аз роҳбарият ва кормандони корхонаи алюминии тоҷик даъват ба амал оварда шуд, ки ҷиҳати татбиқи ҳадафи чоруми Хукумати мамлакат–саноатикунонии мамлакат аз тамоми шароит истифода бурда, дар татбиқи дастуру супоришҳои Сарвари давлат тадбирҳои зарурӣ андешанд.
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
ДУШАНБЕ-МАРКАЗИ ҚАБУЛИ ҚАРОРҲОИ МУҲИМИ БАЙНАЛМИЛАЛӢ. Дар ҳошияи Конфронси байналмилалии сатҳи баланд оид ба ҳифзи пиряхҳо
Дар Душанбе хатари офатҳои табиии марбут ба пиряхҳоро баррасӣ намуданд
Дар доираи Конфронси байналмилалии сатҳи баланд оид ба ҳифзи пиряхҳо масоили об ва иқлим баррасӣ гардид
