Маҳаллаи «Хуҷанд» ғолиби озмуни шаҳрии «Дастархонороӣ» гардид
ХУҶАНД, 26.01.2019 /АМИТ «Ховар»/. Бонувони дастаи маҳаллаи «Хуҷанд»-и маркази Суғд бо нишон додани маҳорату малака доир ба зебову камхарҷ оростани дастархони идона бо соҳиб гардидани холҳои баланд ғолиби озмуни шаҳрии «Дастархонороӣ» шуданд. Ҳамчунин даста барои иштирок дар озмуни вилоятӣ, ки даҳаи аввали моҳи феврал сурат мегирад, соҳиби роҳхат гардид.
Бино ба иттилои хабарнигори АМИТ «Ховар» дар вилояти Суғд, озмуни мазкур тибқи нақшаи мақомоти иҷроияи ҳокимияти давлатии шаҳр сурат гирифта, ҳадафи асосии он аз эҳё намудани фарҳанги рӯзгордорӣ, тарзи тайёр намудани таомҳои миллӣ, зебо ва камхарҷ оростани дастурхони идонаву тӯй иборат аст.
Даври ниҳоии озмуни шаҳрӣ дирӯз дар тарабхонаи «Анситу» бо иштироки намояндагони дастаҳо аз 22 маҳаллаи шаҳр баргузор гардид. Зимни он иштирокдорон ҳунари хешро дар оростани дастурхонҳои идона манзури ҳайати ҳакамон намуданд. Доварони озмун бештар ба сарфакоронаю моҳирона оростани дастархон, зебо, хушоянд, дилписанд будани он бо риояи анъанаҳои суннатӣ ва таомҳои миллӣ баҳогузорӣ намуда, маҳз камхарҷии онро ба инобат гирифтанд.
Дар ҷамъбаст бо гирифтани холҳои зиёд дастаи маҳаллаи «Хуҷанд» мақоми аввал, маҳаллаи «Суғдиён» ҷойи дуюм ва маҳаллаи «Тути калон» ҷои сеюмро соҳиб шуданд.
Дар интиҳо ғолибон ва иштирокчиёни фаъоли озмун бо диплому ифтихорнома ва туҳфаҳои хотиравӣ сарфароз гардиданд.
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Бо иштироки олимони бостоншинос филми мустанади «Хутали қадим» таҳия гардид
Дар Тоҷикистон 6 агентии иттилоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
НИШАСТИ МАТБУОТӢ. Дар Тоҷикистон ду барномаи нави соҳаи фарҳанг қабул гардид
Раиси Кумитаи миллӣ оид ба ҳуқуқи инсони Давлати Қатар Қалъаи Ҳисорро тамошо намуд
Рӯзи фарҳанги шаҳрҳои Гулистон, Бӯстон ва Истиқлол бо шукуҳу шаҳомати хосса баргузор гардид
