Нахустин хонаҳои истиқоматии шаҳри Душанбе ба гази табиӣ пайваст карда шуданд
ДУШАНБЕ, 18.01.2019. /АМИТ «Ховар»/. Аввалин гурӯҳи сокинони шаҳри Душанбе пас аз танаффуси ҳафтсола дар хонаҳои худ ба гази табиии мамлакати ба мо дӯст – Ӯзбекистон дастрасӣ пайдо намуданд. Яъне аз оғози моҳи равон зиёда аз 20 хонаи истиқоматии қисмати шимолу шарқии пойтахт ба қубурҳои газӣ пайваст карда шуданд. Дар ин бора муовини аввали Директори генералии ҶСК «Тоҷиктрансгаз» Шавкат ШОИМОВ ба хабарнигори АМИТ «Ховар» иттилоъ дод.
«Ин моҳ гази табиии Ӯзбекистон ба хонаҳое, ки ба қубурҳои асосӣ наздиканд ва хароҷоти зиёдатӣ талаб намекунанд, интиқол дода шуд. Зиёда аз 20 хонаи истиқоматии қисмати шимолу шарқии пойтахт, ки асосан дар кӯчаи Мирзо Турсунзода воқеанд, ба он пайваст карда шуданд. Ин хонаҳо қаблан барои истифода бурдани гази табиӣ омода гардида, ҳамакнун ба таври таҷрибавӣ аз он истифода мебаранд», — илова намуд Шавкат Шоимов.
Ба иттилои директори Ҷамъияти саҳҳомии кушодаи «Душанбегаз» Ҷамолиддин Абдураҳимов, шурӯъ аз оғози сол дар маҷмӯъ 17 хонаи шаҳрвандон, ки дар масофаи 50 метр аз қубури асосӣ ҷойгиранд, ба гази табиии Ӯзбекистон пайваст карда шуданд.
«Айни замон инфрасохтори хонаҳои дигар, ки дар ин масофа ҷойгиранд, мавриди омӯзиш қарор дошта, вобаста ба он корҳо идома доранд. Инчунин имконияти пайваст намудани онҳо ба гази табиӣ мавриди омӯзиш қарор дорад», — илова намуд ҳамсуҳбати мо.
Ба иттилои манбаъ, аксарияти корхонаҳои саноатии мамлакат аллакай аз гази табиии Ӯзбекистон истифода бурда истодаанд.
Ёдовар мешавем, ки айни ҳол истифодабарандагон ба ҳар як метри мукааби гази табиӣ 1,7 сомонӣ пардохт менамоянд, ки нисбат ба нуктаҳои фурӯши газ хеле арзон мебошад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
