ОБУ ҲАВО: имрӯз дар Тоҷикистон ҳавои бебориш дар назар аст

ДУШАНБЕ, 23.01.2019. /АМИТ «Ховар»/. Имрӯз дар ҷумҳурӣ ҳавои тағйирёбандаи бебориш  дар назар аст. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои абрнок шуда, дар баъзе ҷойҳо боридани барфи кӯтоҳмуддат  дар назар аст. Ҳаво дар ғарби вилоят шабона 10-15  ва рӯзона 3-8 дараҷа сард мешавад. Дар шарқи вилоят ҳаво  шабона  17-22 ва рӯзона 8-13  дараҷа сард мешавад.

Дар вилояти Суғд ҳавои тағйирёбандаи бебориш дар назар аст. Шамол аз самти шарқ  3-8 метр дар як сония мевазад. Ҳаво дар водиҳо шабона -3+2  ва рӯзона 4-9 дараҷа гарм мешавад. Дар кӯҳҳо ҳаво шабона 13-18, инчунин то 22-24  ва рӯзона 2-7 дараҷа сард мешавад.

Дар вилояти Хатлон ҳавои бебориш дар назар буда, туман мефарояд. Ҳаво дар водиҳо шабона -3+2 ва рӯзона 6-11 дараҷа гарм мешавад. Дар доманакӯҳҳо ҳаво  шабона 6-11 дараҷа сард шуда, ҳарорат рӯзона ба  -3+2 дараҷа мерасад.

Дар шаҳру ноҳияҳои тобеи марказ ҳавои тағйирёбанда шуда, туман мефарояд. Ҳаво дар водиҳо шабона 2-7 дараҷа сард  ва рӯзона 3-8 дараҷа гарм мешавад. Дар кӯҳҳо шабона 8-13, инчунин то 15-17 ва рӯзона 0-5 дараҷа сард мешавад.

Дар шаҳри Душанбе ҳавои тағйирёбандаи бебориш дар назар аст. Ҳаво шабона 3-5 дараҷа сард  ва рӯзона 5-7 дараҷа гарм мешавад.