Вазорати нақлиёт, Хадамоти зиддиинҳисорӣ, Саридораи геология, Палатаи савдо ва саноат нишасти матбуотӣ доир менамоянд

ДУШАНБЕ, 29.01.2019 /АМИТ «Ховар»/.  30 январ Вазорати нақлиёти Ҷумҳурии Тоҷикистон, КВД «Роҳи оҳани Тоҷикистон», Хадамоти зиддиинҳисории назди Хукумати Ҷумҳурии Тоҷикистон, Саридораи геологияи назди Ҳукумати Ҷумҳурии Тоҷикистон, Палатаи савдо ва саноати Ҷумҳурии Тоҷикистон оид ба ҷамъбасти соли 2018  нишасти матбуотӣ баргузор менамоянд.

Вазорати нақлиёти Ҷумҳурии Тоҷикистон, КВД «Роҳи оҳани Тоҷикистон» соати 09:00 дар маҷлисгоҳи Вазорати нақлиёт нишасти матбуотӣ доир менамоянд.

Палатаи савдо ва саноат соати 14:00 дар Палатаи савдо ва саноат нишасти матбуотӣ мегузаронад.

Нишасти матбуотии Саридораи геология барои намояндагони ВАО соати 09:00 дар Саридораи геология доир мегардад.

Нишасти матбуотии Хадамоти зиддиинҳисорӣ соати 11:00 дар Хадамоти мазкур баргузор мешавад.

Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ гузаронидани онҳо мувофиқа мекунанд (хиёбони Рӯдакӣ, 40, ошёнаи 2, телефонҳои 221-34-24, 223-10-98, 888-08-34-04).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.