6 март дар Душанбе Фестивали ҷумҳуриявии «Суруди Модар – Алла» баргузор мегардад

Февраль 28, 2019 15:40

ДУШАНБЕ, 28.02.2019 /АМИТ «Ховар»/. 6 марти соли равон бахшида  ба Рӯзи Модар Фестивали ҷумҳуриявии «Суруди Модар – Алла» баргузор мегардад.

Тавре  аз Кумитаи кор бо  ҷавонон ва варзиши назди Ҳукумати Ҷумҳурии Точикистон ба АМИТ «Ховар» иттилоъ доданд,  фестивали мазкур дар толори «Кохи суруш» доир гардида, дар он қариб 700 нафар кормандони вазорату идораҳо, занони барӯманди кишвар ва ҷавонони фаъол иштирок менамоянд.

Мақсад аз баргузории Фестивали «Суруди Модар – Алла»- ин баланд бардоштани мақоми зан дар ҷомеа, расидан ба қадри модар ва заҳматҳои шабонарӯзии ӯ мебошад.

Даври аввал ва дуюми фестивал дар шаҳру ноҳия ва вилоят доир гардида, беҳтаринҳо ба  сатҳи ҷумҳуриявӣ роҳ ёфтаанд.

Ёдовар мешавем, ки Кумитаи кор бо  ҷавонон ва варзиш  бахшида ба Рӯзи Модар дар ҳудуди ҷумҳурӣ миёни ҷавондухтарон, собиқадорони соҳа, бонувони варзишгар ва модарони рӯзгордида як зумра барномаҳои маърифатию фарҳангӣ, адабию омӯзишӣ ва фарҳангию фароғатиро баргузор менамояд.

Ҳамчунин бахшида ба ин рӯз ҳамоиши  «Нақши занону модарон дар баланд бардоштани маърифати оиладорӣ», озмуни ҷумҳуриявии «Ҷавондухтари ҳунарманди сол», барномаи тантанавӣ бо иштироки занони баруманди ҷумҳурӣ таҳти унвони «Сад ҷону дил фидои як муддаои модар», семинарҳои омӯзишӣ бо иштироки  ҷавондухтарони соҳибкор, аксияҳои тарғиботию ташвиқотӣ, барномаҳои фарҳангӣ – фароғатӣ ва суҳбату мулоқотҳои судманд дар назар дошта шудаанд.

Дар ҷамъбасти фестивал иштирокчиён бо диплом ва туҳфаҳои Кумитаи кор бо  ҷавонон ва варзиш   сарфароз гардонида мешаванд.

Февраль 28, 2019 15:40

Хабарҳои дигари ин бахш

Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд
Намояндаи Тоҷикистон бо ҷоизаи байналмилалии «BRICS AND SCO» сарфароз гардонида шуд
Мутахассисони Тоҷикистону Чин дар кӯҳҳои Помир корҳои илмӣ гузарониданд
Дар Душанбе рӯнамоии таҳқиқоти академик Муҳаммад Осимӣ баргузор гардид
ҲЕҶ МИЛЛАТИ ДУНЁ БА МИСЛИ «ШОҲНОМА» АСАР НАДОРАД. Беш аз 9900 хонавода дар Нуробод соҳиби туҳфаи Пешвои миллат гардиданд
Шаҳри Панҷакент бо номинатсияи сӯзанӣ ба узвияти Шурои байналмилалии ҳунармандӣ пазируфта мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. «Шоҳнома»-и безаволи Фирдавсӣ ба сокинони ноҳияи Лахш тақдим гардид
Дар пойгоҳи сейсмикии ноҳияи Лахш таҷҳизоти нав насб карда шуд
Даври сеюми Озмуни ҷумҳуриявии «Фурӯғи субҳи доноӣ китоб аст» имрӯз дар Рашт ҷамъбаст мегардад