АГМК — «ИCТИҚЛОЛ»: МУРАББИЁН ЧӢ МЕГӮЯНД? Ҳаким Фузайлов ва Мирҷалол Қосимов имрӯз пеш аз бозӣ ба саволҳои рӯзноманигорон посух доданд

Февраль 12, 2019 13:00

ДУШАНБЕ, 12.02.2019. /АМИТ «Ховар»/. Имрӯз, соати 16:00 ба вақти Душанбе   дар шаҳри Алмалики Ӯзбекистон дар бозии даври дуюми муқаддамотии  интихобии Лигаи чемпионҳои Осиё чемпиони Тоҷикистон – «Истиқлол»-и Душанбе бо ғолиби Ҷоми Ӯзбекистон  -АГМК-и Алмалик вориди майдони рақобат  мешаванд. Дар нишасти матбуотии пеш аз бозӣ сармураббиёни ҳарду даста, собиқ бозингарони маъруфи футболи ду кишвар ва Иттиҳоди Шӯравӣ ба пурсишҳои рӯзноманигорон ҷавоб доданд.

Ҳаким Фузайлов, сармураббии дастаи «Истиқлол»:

-Пеш аз ҳама, миннатдории худро барои истиқболи гарм ба масъулини дастаи АГМК баён мекунам. Мо дастаи футболи Алмаликро хуб мешиносем, аммо ҳайаташ рӯзҳои охир хеле тағйир ёфтааст. Фикр мекунам, ки моро муборизаи  пуршиддат  интизор аст.

-Аз интихоби бозингарон ба даста қаноатмандед?

-Бале, ҳайати имрӯза маро қонеъ мекунад, аммо интихоб ҳамоно идома дорад.

-Пештар дастаи «Локомотив»-и Тошкандро машқ медодед ва бо Чемпионати Ӯзбекистон шинос ҳастед. Имконияти АГМК-ро чӣ гуна арзёбӣ мекунед?

— Солҳои пеш ман дар Ӯзбекистон кор кардаам ва имрӯз тағйирот хеле зиёд аст. Дар ҳайати АГМК бозингарони беҳтарин  ҷамъ омадаанд.  Бозии шавқоварро хоҳем дид.

— Муносибати шумо ба бозиҳои плей-офф, ки дастаҳо як бозӣ мегузаронанд, чӣ гуна аст?

-Ин ҳолат аз  таҷрибаи ман бо «Локомотив»  бароям шинос аст. Аммо дар бозии футбол фарқ надорад, ки он дар куҷо мегузарад. Футбол барои мухлисон аст. Танҳо мухлисони мо  онро тавассути телевизор тамошо мекунанд.

Мирҷалол Қосимов, сармураббии АГМК:

-Пагоҳ мавсими футбол барои дастаи АГМК оғоз меёбад. Аз фурсат истифода бурда, ба дастаи «Пахтакор» (ин даста низ бо «Алқувва Алҷаввия»-и Ироқ имрӯз дидор анҷом медиҳад) ва «Локомотив»-и Тошканд, ки дар бозиҳои гурӯҳии Лигаи чемпионҳои Осиё ширкат меварзад, комёбӣ мехоҳам. Мо меҳмони худро эҳтиром мекунем, аммо танҳо барои ғалаба ба майдон меоем.

-Мавсими нав шурӯъ мегардад ва мураббиёни ҳар ду даста тозаинтихобед. Пас нақши муҳимро дар ин ҳолат кадом омилҳо дар бозӣ муайян мекунанд?

-Мо робитаи бозингаронро дар мавқеъҳо ба роҳ мондем. Бозингарон бояд бо рӯҳияи ғалабаовар ба майдон оянд.

-Назари шумо дар бораи легонерҳои дастаатон чӣ гуна аст?

-Онҳо то ҳанӯз сад дар сад ба бозӣ омода нестанд. Ба замми ин яке аз легионерҳо осеб дид. Мавсими футбол тӯлонӣ аст ва онҳо ба даста кумак хоҳанд расонд.

-Имконияти «Истиқлол»-ро дар ин бозӣ чӣ гуна тахмин мекунед?

— Бозиҳои зиёди ин дастаро тамошо кардаем. Аммо дар майдон бозӣ кардан дар муқобили ҳамдигар  чизи дигар аст. Бозиро натиҷа  муайян мекунад.

Февраль 12, 2019 13:00

Хабарҳои дигари ин бахш

ФУТБОЛ. Қуръакашии марҳилаи муқаддамотии Ҷоми Тоҷикистон-2025 баргузор шуд
ФУТБОЛ. Дастаи мунтахаби Тоҷикистон бо тими миллии Камбоҷа бозии дӯстона анҷом медиҳад
Ҷудочиёни тоҷик барои иштирок дар чемпионати Осиё ба Тайиланд сафар намуданд
Аз Тоҷикистон дар мусобиқаи «Dushanbe Grand Slam 2025» 36 варзишгар иштирок менамояд
Ҳайати паҳлавонони тоҷик барои иштирок дар Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» муайян шуд
Варзишгарони тоҷик дар Чемпионати Осиё ва Уқёнусия оид ба самбо соҳиби 27 медал гардиданд
Шоҳҷоизаҳои гӯштини миллии шаҳри Ваҳдатро Сомон Аламов ва Ғазалшои Давлатшо сазовор шуданд
Ғолибону ҷоизадорони 15-умин Ниммарафони байналмилалии шаҳри Душанбе муайян гардиданд
Дастаи мунтахаби футзали Тоҷикистон бо тими миллии Узбекистон бозиҳои дӯстона анҷом дод
Дастаи мунтахаби наврасони Тоҷикистонро дар Фурудгоҳи байналмилалии Душанбе истиқбол намуданд
Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
ҶОМИ ОСИЁ-2025. Футболбозони навраси то 17-солаи Тоҷикистон ба Ватан бармегарданд