БАЛАНД БАРДОШТАНИ САТҲУ СИФАТИ ХИЗМАТРАСОНӢ ОМИЛИ ҶАЛБИ САЙЁҲОН АСТ. Барои роҳбарон ва кормандони меҳмонхонаву тарабхонаҳо семинарҳои омӯзишӣ гузаронида мешавад

Февраль 27, 2019 17:37

ДУШАНБЕ, 27.02.2019. /АМИТ «Ховар»/. Бо мақсади боз ҳам баланд бардоштани сатҳ ва сифати хизматрасонӣ ба меҳмонон ва сайёҳони дохилию хориҷӣ дар иншооти қабулу хизматрасонӣ аз ҷониби Кумитаи рушди сайёҳӣ бо ҷалби коршиносон ва мутахассисони соҳа ба роҳбарон ва кормандони меҳмонҳонаву тарабхонаҳо ва осоишгоҳу истироҳатгоҳҳои шаҳри Ваҳдат семинари омӯзишӣ доир карда шуд.

Тавре аз Кумитаи рушди сайёҳӣ ба АМИТ «Ховар» хабар доданд, семинари омузишӣ дар самтҳои «Хизматрасонӣ дар меҳмонхона ва осоишгоҳу истироҳатгоҳ», «Роҳбалад», «Хизматрасонӣ дар тарабхона» ва дигар самтҳои муҳими хизматрасонии соҳаи сайёҳӣ доир гардид.

Дар семинари мазкур коршиносони соҳа ба кормандони меҳмонҳонаву тарабхонаҳо ва осоишгоҳу истироҳатгоҳҳо оид ба масоили баланд бардоштани сатҳи хизматрасонӣ ва меҳмоннавозӣ, рақобат дар тиҷорати меҳмонхонадорӣ ва фаъолияти тарабхонаҳо, вазифа ва уҳдадориҳои кормандони иншооти хизматрасонии сайёҳӣ, ороиши (интерьер) толорҳо ва утоқҳои меҳмонхонаву тарабхонаҳо, тарзу усулҳои ороиши дастархон ва пешниҳоди хуроку шириниҳо, ташкили банкету фуршетҳо, фаъолияти роҳбаладӣ дар сатҳи ҷумҳурӣ ва иншооти алоҳидаи сайёҳӣ, мунтазам бо омузиш фаро гирифтани кормандони иншооти хизматрасонии сайёҳӣ, дар маҷмуъ ба меъёрҳои байналмилалии расонидани сатҳи хизматрасонӣ рунамо пешниҳод намуда, корҳои амалӣ доир намуданд.

Бино ба иттилои манбаъ, силсила семинарҳои омӯзишӣ барои роҳбарон ва кормандони иншооти хизматрасонии сайёҳӣ дар ҳамаи минтақаҳои ҷумҳурӣ бо ҷалби мутахассисони касбӣ ташкил ва гузаронида мешавад.

Мавриди зикр аст, ки баланд бардоштани сатҳу сифати хизматрасонӣ дар иншооти хизматрасонии сайёҳӣ ба ҷалби бештари сайёҳон таъсири бевосита расонида, барои таъсиси ҷойҳои кории доимӣ ва мавсимӣ мусоидат менамояд.

«Баҳри ба меъёрҳои байналмилалӣ баробар намудани сатҳи хизматрасонии иншооти хизматрасонии сайёҳӣ тадбирҳои зарурӣ андешида шуда, зина ба зина мақоми ин гуна иншоот тавассути ситорагузорӣ ё холгузорӣ муайян карда мешавад, ки ин омил ба беҳтару хубтар шудани сатҳу сифати хизматрасонӣ мусоидати ҷиддӣ мекунад», — илова намуд манбаъ.

Қобили тазаккур аст, ки дар соли сипаришуда дар ҳудуди ҷумҳурӣ меҳмонону сайёҳони дохилию хориҷӣ аз хизматрасониҳои 170 меҳмонхона, 94 осоишгоҳу истироҳатгоҳҳо 60 гушаҳои иттилоотии сайёҳӣ истифода намуданд.

Тарғибу ташвиқи хизматрасонии иншооти хизматрасонии сайёҳӣ, ширкатҳои сайёҳӣ, ширкатҳои ҳавопаймоӣ, ширкатҳои нақлиётӣ ва дигар ҷонибҳо, ки ба сайёҳон хизматрасонӣ пешниҳод мекунанд, тавассути портали миллии сайёҳӣ, шабакаҳои иҷтимоӣ ва дигар васоити ахбори омма ба таври васеъ ба роҳ монда шудааст.

Февраль 27, 2019 17:37

Хабарҳои дигари ин бахш

Ҳайати вилояти Сурхондарёи Узбекистон ба вилояти Хатлони Тоҷикистон омад
Муовини Сарвазири Тоҷикистон Сулаймон Зиёзода бо вазъи истифодаи замин дар минтақаи Рашт шинос гардид
«РОҲҲОИ ОБОДИ БАЙНИ ДЕҲОТ». Таҳти чунин унвон Вазорати нақлиёти Тоҷикистон озмун эълон намудааст
Завқӣ Завқизода ва Андреас Шнайдер масъалаи ҷалби грантҳоро барои рушди минтақаҳо баррасӣ намуданд
«БОМИ ҶАҲОН». Дар Хоруғ Фестивали 15-уми байналмилалии фарҳангӣ ва сайёҳӣ доир мегардад
Маҳсулоти нассоҷии Тоҷикистон бори аввал дар намоишгоҳи «Central Asian Fashion» муаррифӣ мешавад
«ПОМИР-ИНВЕСТ 2022». Дар Вилояти Мухтори Кӯҳистони Бадахшон Форуми байналмилалии соҳибкорӣ доир мегардад
Модели динамикии мувозинати умумии макроиқтисодӣ барои иқтисоди Тоҷикистон муаррифӣ шуд
ГУБЕРНАТОР АЗ СИБИР БА ТОҶИКИСТОН МЕОЯД. Вилояти Хатлони мо ва вилояти Омски Русия созишномаи ҳамкорӣ омода мекунанд
Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
Қатораи мусофирбар дар хатсайри Кӯлоб–Волгоград–Кӯлоб ҳафтаи оянда ба роҳ мебарояд
Тоҷикистон ва Гурҷистон масоили ба роҳ мондани алоқаи ҳавоиро матраҳ намуданд

Маводҳои таҳлилӣ