Дар Душанбе ҷаласаҳои Гурӯҳи махсуси корӣ ва Кумитаи кормандони аршади кишварҳои аъзои МҲТБО ба кори худ оғоз кард
ДУШАНБЕ, 14.02.2019 /АМИТ «Ховар»/. Имрӯз, 14 феврал дар бинои Китобхонаи миллии Тоҷикистон ҷаласаҳои Гурӯҳи махсуси корӣ ва Кумитаи кормандони аршади кишварҳои аъзои Машварати ҳамкорӣ ва тадбирҳои боварӣ дар Осиё (МҲТБО) таҳти раисии ҷониби Тоҷикистон ба кори худ оғоз намуд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Бояд зикр кард, ки ҷаласаҳои мазкур нахустин мулоқоти коршиносони аршади кишварҳои аъзои МҲТБО буда, дар онҳо дар баробари муҳокимаҳо перомуни панҷ ченаки МҲТБО (низомӣ-сиёсӣ; муқовимат ба чолишҳо ва таҳдидҳои муосир; иқтисодӣ; башардӯстона ва муҳитизистӣ), ҳамзамон масъалаҳои тадорукотӣ ва муҳтавоии Саммити дарпешистодаи сарони давлатҳо ва ҳукуматҳои кишварҳои аъзои МҲТБО, ки 15 июни соли 2019 дар шаҳри Душанбе ба нақша гирифта шудааст, баррасӣ хоханд шуд.
Дар нишастҳои Гурӯҳи махсуси корӣ ва Кумитаи кормандони аршади кишварҳои аъзои МҲТБО намояндагони 22 кишвари аъзо, 3 кишвар ва 1 созмони нозир ва Котиботи МҲТБО ширкат менамоянд.
Бояд гуфт, ки 24 сентябри соли 2018 зимни нишасти махсуси вазирони корҳои хориҷии кишварҳои аъзои МҲТБО дар шаҳри Ню-Йорк, раёсати МҲТБО аз Ҷумҳурии Мардумии Чин бори нахуст ба Ҷумҳурии Тоҷикистон барои давраи солҳои 2018-2020 гузашт.
Ҷаласаҳои Гурӯҳи махсуси корӣ ва Кумитаи кормандони аршади кишварҳои аъзои Машварати ҳамкорӣ ва тадбирҳои боварӣ дар Осиё (МҲТБО) 15 феврал анҷом меёбад.
Ҳайати Озарбойҷон дар Конфронси байналмилалии сатҳи баланд оид ба ҳифзи пиряхҳо иштирок менамояд
Дар Вена ҳамкории парлумонии кишварҳои Осиёи Марказӣ бо Австрия баррасӣ гардид
Сафири Тоҷикистон ба Президенти Ҷумҳурии Чехия эътимоднома супорид
Дар Душанбе омодагӣ ба ҷаласаи навбатии Шурои сарони ҳукуматҳо-сарвазирони ИДМ баррасӣ гардид
Сафири Тоҷикистон бо Мудири иҷроияи Маркази пажӯҳишӣ ва машваратии «TRENDS»-и Амороти Муттаҳидаи Араб мулоқот намуд
Машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Корея баргузор шуданд
Дар Риёз ҳамкорӣ байни АМИТ «Ховар» ва Агентии иттилоотии Арабистони Саудӣ «SPA» баррасӣ шуд
Сафири Тоҷикистон бо мудири кулли Фонди кувайтии рушди иқтисодиёти араб мулоқот намуд
Сафири Тоҷикистон бо муовини якуми Вазири корҳои дохилии Арабистони Саудӣ мулоқот намуд
Сафири Тоҷикистон бо Вазири авиатсияи граждании Миср мулоқот намуд
Дар Душанбе омодагӣ ба Форуми ҳамкории «Осиёи Марказӣ-Ҷумҳурии Корея» мавриди баррасӣ қарор гирифт
Ҳамкории вилояти Хатлони Тоҷикистон ва вилояти Марии Туркманистон баррасӣ гардид
