Дар ноҳияи Бобоҷон Ғафуров бахшида ба Рӯзи Артиши миллӣ ҳамоиши тантанавӣ баргузор гардид
ХУҶАНД, 23.02.2019. /АМИТ «Ховар»/. Бахшида ба 26-умин солгарди Рӯзи таъсиси Қувваҳои мусаллаҳи Ҷумҳурии Тоҷикистон дирӯз дар Мақомоти иҷроияи ҳокимияти давлатии ноҳияи Бобоҷон Ғафуров бо иштироки муовини якуми Раиси вилояти Суғд Хол Ҳайдар, роҳбарияти ноҳия, сарбозону афсарони қисмҳои низомии ҳудуди ноҳия, кормандони комиссариати ҳарбӣ, раисони ҷамоатҳо ва собиқадорони Қувваҳои Мусаллаҳ ҳамоиши идона баргузор гардид.
Чуноне масъулини бахши фарҳанги ноҳия ба хабарнигори АМИТ Ховар иттилоъ доданд, раиси ноҳияи Бобоҷон Ғафуров Зариф Назирӣ иштирокдоронро ба муносибати Рӯзи Артиши миллӣ табрик намуда, зикр дошт, ки хизматчиёни ҳарбии Қувваҳои Мусаллаҳи Ҷумҳурии Тоҷикистон зираку тавоно буда, ҳамеша дар иҷрои вазифаи муқаддаси худ, яъне ҳифзи модар-Ватан омода мебошанд.
Сипас, дар вазъияти тантанавӣ ба 47 нафар хизматчиёни ҳарбии қисмҳои ҳарбии ҳудуди ноҳия, собиқадорони Қувваҳои Мусаллаҳ ва роҳбарони мақомоти ҳифзи ҳуқуки ноҳия сипоснома ва туҳфаҳои хотиравӣ супорида шуданд. Барномаи рангини фарҳангӣ ба ҷамъомади идона ҳусни тоза бахшид.
Дар ин рӯз ҳамзамон раиси ноҳияи Бобоҷон Ғафуров ва муовини якуми Раиси вилоят ба қисми низомии №14356 рафта, бо вазъи зисту хизмати хизматчиён шинос шуда, онҳоро ба муносибати Рӯзи Артиши миллӣ табрик намуданд. Инчунин ба чанд нафар афсарону сарбозони ин қисми ҳарбӣ сипосномаву туҳфаҳои хотиравӣ супорида шуд.
Ба иттилои манбаъ, тибқи қарори раиси ноҳия, чунин ҷамъомадҳои идона бо баргузории барномаҳои фарҳангӣ ва оростани дастурхони идона дар 12 ҷамоати шаҳраку деҳоти ноҳия ва қисмҳои ҳарбии ҳудуди он баргузор гардиданд.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
