Дар Тоҷикистон ду хатсайри нави сайёҳии «фото ва фито-сафарӣ» ташкил гардиданд

Февраль 25, 2019 15:50

ДУШАНБЕ, 25.02.2019. /АМИТ «Ховар»/. Бо дастгирии Кумитаи рушди сайёҳии назди Ҳукумати Ҷумҳурии Тоҷикистон ду хатсайри нави сайёҳии «фото ва фито-сафарӣ» ташкил гардиданд.

Аз Кумитаи рушди сайёҳӣ ба АМИТ «Ховар» хабар доданд, ки бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди сайёҳӣ бо дастгирии Кумита аз ҷониби ширкати сайёҳии ҶДММ «Мархур» ҷиҳати муаррифии имкониятҳои сайёҳӣ, аз ҷумла табиати зебо, гиёҳҳои шифобахш, набототу ҳайвоноти нодир, афзун гардонидани шумули маконҳои сайёҳӣ ва пешниҳоди хизматрасонии муносиб ба сайёҳони дохилию хориҷӣ дар ноҳияи Шамсиддини Шоҳин ду хатсайри нави сайёҳии «фото ва фито-сафарӣ» роҳандозӣ карда шуданд.

Хатсайри якум аз шаҳри Душанбе тавассути шаҳри Норак ноҳияҳои Данғара, Восеъ, шаҳри Кӯлоб ва Душанберо дар бар мегирад. Саёҳати мазкур 9 рӯз буда, барои моҳҳои май – сентябр пешбинӣ гардидааст.

Хатсайри дуюм аз шаҳри Душанбе оғоз гардида, шаҳри Норак, мамнӯъгоҳи «Хуталон», осорхонаи таърихӣ дар ноҳияи Данғара, Қалъаи Ҳулбук, Оромгоҳи Мир Сайид Алии Ҳамадонӣ, ноҳияи Шамсиддини Шоҳин, ноҳияи Дарвоз, Боғи ботаникӣ, осоишгоҳи Гармчашма, қалъаи Қаҳқаҳа ва Ямчунро дар бар мегирад.

Бояд гуфт, ки масоҳати заминҳои мамнӯъгоҳи «Хуталон» 6 ҳазор гектарро ташкил дода, бо дастуру ҳидоятҳои Сарвари давлат дар ин ҷо паррандагону чорвои нодир, аз қабили оҳуи холдор, уреал-гӯсфанди кӯҳии бухороӣ, муфлон ва аз паррандагон асосан тазарв парвариш меёбанд.

Ноҳияи Шамсиддини Шоҳин барои рушди сайёҳии экологӣ, кўҳнавардӣ ва хусусан сайёҳии шикор имкониятҳои зиёд дошта, ёдгориҳои таърихӣ, чашмаҳои шифобахш, кӯҳҳои баланд, манзараҳои зебои табиӣ, ҳайвоноти нодир, бахусус бузи пармашохи «мархур», ки ба Китоби сурхи Тоҷикистон ворид шудааст ва мамнӯъгоҳи «Дашти Ҷум» диққати сайёҳони дохилӣ ва хориҷиро бештар ба худ ҷалб менамояд.

Мамнӯъгоҳи давлатии табиии «Дашти Ҷум» бо мақсади ҳифзу нигоҳдории экосистемаҳои хоси ин минтақа ва ҳайвонҳои нодир, аз ҷумла бузи пармашох ё «мархур», ки дар ҷаҳон калонтарин популятсияи он танҳо дар қаламрави ин мавзеъ боқӣ мондааст, инчунин гӯсфанди кӯҳии бухороӣ (уриал) ва дигар намудҳои нодири набототу ҳайвонот мебошад.

Имрӯзҳо меҳмонону сайёҳон ва шавқмандони сайёҳии шикор аз ин минтақа боздид намуда, аз хизматрасонии меҳмонхонаи «Шикорчиён», ки бо ташаббуси ширкати сайёҳии ҶДММ «Мархур» дар мавзеи Обидараи Ҷамоати деҳоти Саричашмаи ноҳияи Шамсиддини Шоҳин сохта шудааст, ба таври васеъ истифода менамоянд.

Ин ҳам дар ҳолест, ки бо мақсади ба роҳ мондани ҳамкории мутақобилан судманд роҳбарияти Кумита дар якҷоягӣ бо ширкатҳои сайёҳии ватанӣ бо мақсади шиносоӣ ва таҳияи хатсайрҳои навӣ сайёҳӣ ба мавзеъҳои сайёҳии ҷумҳурӣ, аз ҷумла аз ноҳияҳои Ховалинг, Балҷувон, мавзеи Сари Хосор, Шаҳринав, мавзеъҳои Ромит ва Канаски шаҳри Ваҳдат, Ҳисор, Шаҳринав, Турсунзода, Норак, ноҳияҳои Рашт, Айнӣ, Исфара, Панҷакент, Ванҷ ва мавзеи Сафеддараи ноҳияи Варзоб боздид намуда, ба ширкатҳои сайёҳӣ имкониятҳои сайёҳии минтақаҳои мазкур муаррифӣ карда шуданд ва бештар аз 35 хатсайри нави сайёҳӣ таҳия шуда, пешниҳоди дўстдорони сайру саёҳати Тоҷикистон гардонида шуд.

Февраль 25, 2019 15:50

Хабарҳои дигари ин бахш

Дар Душанбе рушди ҳамкорӣ дар соҳаи сайёҳӣ бо Созмони озуқаворӣ ва кишоварзии СММ баррасӣ гардид
ОЗМУНИ АМИТ «ХОВАР». ТОҶИКИСТОН — КИШВАРИ МАҲБУБИ САЙЁҲӢ. Ҳар гӯша, кӯлу дарё ва ёдгориҳои қадимияш гӯё махсус барои сайр ва баҳрабардорӣ аз табиати рӯҳафзо офарида шудаанд
Ба Кумитаи рушди сайёҳии Тоҷикистон сипосномаи махсуси Намоишгоҳи байналмилалии саёҳатӣ дар Қатар тақдим гардид
Маҳсулоти Тоҷикистон дар Саммити байналмилалии тиҷоратӣ ва намоишгоҳи Селангор муаррифӣ мегардад
Тоҷикистон ва Қатар ба робитаҳои соҳибкорон ҷиҳати сармоягузорӣ ба зерсохтори саёҳатӣ тавсеа мебахшанд
Имкониятҳо ва мушкилоти рушди сайёҳӣ дар минтақаи Кӯлоб баррасӣ гардиданд
Зарфияти сайёҳии Тоҷикистон дар Намоишгоҳи байналмилалии саёҳатӣ дар Давҳа муаррифӣ гардид
Дар Кумитаи рушди сайёҳӣ ба муносибати Рӯзи Президент ҳамоиш доир гардид
Тоҷикистон ва Қатар ҳамкориро дар соҳаи сайёҳӣ ва муаррифии ҳунарҳои мардумӣ вусъат мебахшанд
Доир ба беҳтар намудани сифати хизматрасонӣ дар меҳмонхонаҳо машварати омӯзишӣ доир гардид
Дар Бохтар доир ба сайёҳии ҷамоавӣ ҳамчун самти афзалиятноки рушди соҳа дар Тоҷикистон машварат доир шуд
ОЗМУНИ АМИТ «ХОВАР». САЙЁҲИИ ТАБОБАТИЮ СОЛИМГАРДОНӢ: Тоҷикистон бо нодиртарин обҳои шифобахшаш метавонад дар ин самт яке аз кишварҳои рушдкардаи ҷаҳон гардад