Кумитаи рушди сайёҳӣ: Инфрасохтор ва хизматрасониҳо дар мавзеъҳои сайёҳиву таърихии «Хулбук», «Хоҷа Машҳад», «Аҷинатеппа», «Чилучорчашма», қалъаи «Ямчун» дар оянда ба сатҳи байналмилалӣ расонида мешаванд

Февраль 11, 2019 17:11

ДУШАНБЕ, 11.02.2019. /АМИТ «Ховар»/. Масъалаҳои тармиму таҷдид, бунёди инфрасохтори иловагӣ барои ҷалби сайёҳон, мағозаҳои фуруши армуғонҳо, ҷолиб намудани гирду атрофи мавзеъҳои сайёҳиву таърихӣ ва дар маҷмуъ ба сатҳи байналмилалӣ расонидани онҳо дар доираи ҳамкориҳои Кумитаи рушди сайёҳӣ ва Гурӯҳи Бонки ҷаҳонӣ мавриди баррасӣ қарор дода шуд.

Дар баробари ин дар назар аст, ки дар наздикии иншоотҳои мазкур утоқҳои қабули сайёҳон, инфрасохтори сарироҳӣ, аз ҷумла нишонаҳои сарироҳӣ ва дигар шароитҳои муосир бо ҷалби аҳолии маҳаллӣ бунёд карда мешаванд.

Тадбирҳои мазкур дар партави иҷрои саривақтӣ ва пурраи дастуру ҳидоятҳои Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба ҷашни 30-солагии Истиқлолияти давлатии Ҷумҳурии Тоҷикистон, татбиқи ҳадафҳои Солҳои рушди деҳот, сайёҳӣ ва ҳунарҳои мардумӣ ва дар маҷмуъ баланд бардоштани сатҳи некуаҳволии мардуми деҳот амалӣ карда мешаванд.

Тибқи таҳлили коршиносони дохиливу байналмилалӣ, зимни тармиму таҷдид ва азнавсозии иншоотҳои сайёҳиву таърихӣ масолеҳи аслӣ истифода шуда, намои қадима ва таърихии ёдгориҳои таърихӣ ҳифз карда мешаванд.

Барои муаррифии мавзеъҳои сайёҳиву таърихӣ, аз ҷумла таърихи пайдоиш, бунёд ва саҳфаҳои таърихии ин ёдгориҳо аз ҷониби Кумитаи рушди сайёҳӣ дар ҳамкорӣ бо олимону коршиносони соҳа китобча ва брошюраҳои хурд бо забонҳои тоҷикӣ, русӣ ва англисӣ таҳия шуда истодаанд.

Бояд тазаккур дод, ки мавзеъҳои сайёҳиву таърихии «Ҳулбук», «Хоҷа Машҳад», «Аҷинатеппа», «Чилучорчашма», қалъаи «Ямчун» ва дигар мавзеъҳои сайёҳии ҷумҳурӣ ба сайёҳони дохилию хориҷӣ ҷолиби диққат буда, дар соли 2018 аз мавзеъи «Чилучорчашма» 150 000 нафар, «Аҷинатеппа» наздики 5000 нафар, “Хоҷа Машҳад” наздики 1000 нафар дидан намуданд.

Дар маҷмуъ соли 2018 аз Ҷумҳурии Тоҷикистон 1 миллиону 155 ҳазор нафар сайёҳони хориҷӣ боздид намуда, шумораи сайёҳони дохилӣ зиёда аз 750 ҳазор нафарро ташкил додааст.

Февраль 11, 2019 17:11

Хабарҳои дигари ин бахш

Байни Тоҷикистон ва Қирғизистон оид ба рушди соҳаи сайёҳӣ Созишнома ба имзо расид
Имсол ба вилояти Хатлон беш аз ним миллион сайёҳ ворид гардидааст
Байни ширкатҳои сайёҳии Тоҷикистон ва Қирғизистон 9 санади ҳамкорӣ ба имзо расид
Мавзеъҳои таърихӣ ва сайёҳии ноҳияи Дарвозро наздики 5000 сайёҳи дохиливу хориҷӣ тамошо намуданд
Дар Литсейи касбии дӯзандагии шаҳри Душанбе Маркази нави таълимию истеҳсолӣ таъсис дода мешавад
РУШДИ САЙЁҲӢ. Имсол ба Мамнуъгоҳи Султон Увайси Қаранӣ беш аз 5 ҳазор меҳмонони дохиливу хориҷӣ ворид шудаанд
Фаъолияти Донишгоҳи байналмилалии сайёҳӣ ва соҳибкории Тоҷикистон дар нимаи аввали соли 2025 қаноатбахш арзёбӣ гардид
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
РУШДИ САЙЁҲӢ. Имсол ба вилояти Суғд беш аз 242 ҳазор меҳмони хориҷӣ ворид шудааст
РУШДИ САЙЁҲӢ. Табиати дилфиреби Хатлонзаминро беш аз 400 ҳазор нафар сайёҳон тамошо намуданд
Сарвари давлат Эмомалӣ Раҳмон дар ноҳияи Дарвоз аз деҳаи этнографии комплекси сайёҳии «ЗЕВ.С» дидан намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд