ОБУ ҲАВО: имрӯз дар Тоҷикистон ҳавои бебориш дар назар аст
![](https://khovar.tj/wp-content/uploads/2018/09/havo-1.jpg)
ДУШАНБЕ, 09.02.2019. /АМИТ «Ховар»/. Имрӯз дар ҷумҳурӣ ҳавои тағйирёбандаи бебориш дар назар аст. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.
Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш шуда, дар ғарби вилоят шабона 8-13 ва рӯзона -4+1 дараҷа сард мешавад. Дар шарқи вилоят ҳаво шабона 25-30 ва рӯзона 10-15 дараҷа сард мегардад.
Дар вилояти Суғд ҳавои тағйирёбандаи бебориш мешавад. Шамол аз самти шарқ 3-8 ва дар баъзе ноҳияҳо то 13-18 метр дар як сония мевазад. Ҳаво дар водиҳо шабона аз 2 дараҷа хунук то 3 дараҷа гарм шуда, рӯзона 5-10 дараҷа гарм мешавад.
Дар вилояти Хатлон ҳавои тағйирёбандаи бебориш шуда, ҳаво дар водиҳо шабона -3+2 дараҷа ва рӯзона то 8-13 дараҷа гарм мешавад. Дар шаҳру ноҳияҳои тобеи марказ ҳавои тағйирёбандаи бебориш дар назар аст. Ҳаво дар водиҳо шабона 0-5 дараҷа сард шуда, рӯзона 7-12 дараҷа гарм мешавад. Ҳаво дар кӯҳҳо шабона 5-10 дараҷа сард шуда, рӯзона ҳарорат аз 1 дараҷа сардӣ то ба 4 дараҷа гармӣ мерасад.
Дар шаҳри Душанбе ҳавои бебориш дар назар аст. Ҳаво шабона 3-5 дараҷа сард шуда, рӯзона 9-11 дараҷа гарм мешавад.