«ХУШ ОМАДЕД! – «ХУШ КЕЛИБСИЗ!». Миёни Тоҷикистон ва Ӯзбекистон боз як нуқтаи назоратӣ-гузаргоҳии дигар ифтитоҳ гардид
ДУШАНБЕ, 02.03.2019 /АМИТ «Ховар»/. Имрӯз маросими ифтитоҳи нуқтаи назоратӣ-гузаргоҳии автомобилиии дуҷониба дар сарҳад миёни Ҳисори Ҷумҳурии Тоҷикистон ва Боботоғи Ҷумҳурии Ӯзбекистон баргузор гардид.
Дар маросими ифтитоҳ Фармондеҳи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон Раҷабалӣ Раҳмоналӣ, Фармондеҳи Қӯшунҳои сарҳадии Хадамоти амнияти давлатии Ҷумҳурии Ӯзбекистон Руслан Мирзоев, раиси Ҳисор Ш. Ҷумъазода ва раиси Боботоғ С. Хидиров иштирок намуданд. Дар ин бора АМИТ «Ховар» бо истинод ба сардори Хадамоти матбуоти Қӯшунҳои сарҳадии Тоҷикистон Муҳаммад Улуғходжаев хабар медиҳад.
Бино ба гуфтаи ӯ, дар робита ба ин рӯйдод дар назди гузаргоҳ ҳам аз ҷониби Тоҷикистон ва ҳам аз ҷониби Ӯзбекистон одамони зиёд дар даст парчамҳои ду давлат ва гулу гулдастаҳо ҷамъ омада, якдигарро шодбош мегуфтанд.
Дар доираи маросими ифтитоҳ ҳамчунин консерти идона баргузор гардид.
«Ин гузаргоҳ ҳанӯз дар даврони шӯравӣ бунёд шуда буд. Ҳоло он мутобиқ ба талаботи замонавӣ таҷдид гардида, бо техника муосир ва имконот барои ҷорӣ намудани хадамоти сарҳадӣ муҷаҳҳаз шудааст», — иттилоъ дод М. Улуғхоҷаев.
Бояд зикр намуд, ки имрӯз миёни Тоҷикистон ва Ӯзбекистон 17 нуқтаи назоратӣ- гузаргоҳӣ фаъолият мекунад.
Ифтитоҳи гузаргоҳ миёни Тоҷикистону Ӯзбекистон бо шарофати азму талош ва иродаи сиёсии Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев имконпазир гардид.
ДАР АКС: Соли 2018 дар шаҳри Душанбе Фармондеҳи Қӯшунҳои сарҳадии КДАМ Тоҷикистон Раҷабалӣ Раҳмоналӣ бо ҳамтои ӯзбекаш Руслан Мирзоев созишномаи ҳамкорӣ миёни ду ниҳоди сарҳадиро имзо карданд. (Акс аз бойгонӣ)
Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
