Иштироки беш аз 25 ҳазор нафар дар Дави наврӯзӣ ва Марафони велосипедронӣ

Март 16, 2019 11:59

ДУШАНБЕ, 16.03.2019/АМИТ «Ховар»/. Имрӯз, 16 март бо иқдоми Кумитаи кор бо ҷавонон ва варзиш, бо дастгирии Мақомоти иҷроияи ҳокимияти давлатӣ дар шаҳри Душанбе ва дар ҳамкорӣ бо Кумитаи миллии олимпии Тоҷикистон ба ифтихори иди Наврӯзи байналмилалӣ дар шаҳри Душанбе Дави наврӯзӣ ва Марафони велосипедронӣ баргузор гардид.

Тавре мухбири АМИТ «Ховар» Меҳрони Қурбон хабар медиҳад дар чорабинӣ намояндагон аз тамоми сохторҳои давлатӣ фаъолона иштирок дошта, Дави наврӯзӣ ва Марафони велосипедрониро Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ва муовини Раиси шаҳри Душанбе Мавсума Муинӣ ифтитоҳ бахшида, ба иштирокчиён барору комёбӣ таманно намуданд.

Дар Дав ва веломарофони имсола зиёда аз 25 ҳазор нафар фаъолона иштирок доштанд. Масири Марафони велосипедронӣ ва Дави наврӯзӣ аз маҳаллаи Чорбоғ оғоз ёфта, то Наврӯзгоҳ идома кард.

Ба ғолибон ва иштирокчиёни ин мусобиқаи варзишӣ диплому ифтихорномаҳои Кумитаи олимпӣ ва Кумитаи ҷавонон тақдим карда шуд.

Тавре зимни суҳбат бо мухбири АМИТ «Ховар» муовини Раиси Кумитаи кор бо ҷавонон ва варзиш Дилноза Аҳмадзода изҳор намуд, «имрӯзҳо ин чорабиниҳои варзишӣ барои обу тоби бадан ва солимгардонии аҳолӣ дар сар то сари ҷумҳурӣ доир гашта истодааст, ки баргузории ингуна чорабиниҳо барои таъмини оммавияти тарбияи ҷисмонӣ ва варзиш, ташвиқу тарғиби ҳаёти солим равона гардидааст».

Бояд зикр намуд, ки мусобиқаи мазкур бори дуввум дар шаҳри Душанбе дар сатҳи баланд гузаронида мешавад.

Дар чорабинӣ, аз он ҷумла кормандони АМИТ «Ховар» низ дар қатор дигар иштирокчиён ширкати фаъолона намуда, сазовори дипломи Кумитаи ҷавонон гардиданд.

Бояд гуфт, ки мусобиқаҳои варзишии мазкур бо мақсади иҷрои дастури Роҳбари Дастгоҳи иҷроияи Президенти Ҷумҳурии Тоҷикистон ҷиҳати таҷлили иди байналмилалии Наврӯз, таъмини оммавияти тарбияи ҷисмонӣ ва варзиш, ташвиқу тарғиби ҳаёти солим доир гардиданд.

Ҳамчунин бояд ёдовар шуд, ки дар доираи тақвими ягонаи чорабиниҳои оммавию варзишӣ ва солимгардонӣ аз  21 то 22 марти  соли равон дар шаҳри Душанбе бахшида ба ҷашни байналмилалии Наврӯз Чемпионати Ҷумҳурии Тоҷикистон оид ба гӯштини тарзи озод баргузор мегардад.

Март 16, 2019 11:59

Хабарҳои дигари ин бахш

Дар чор ноҳияи шаҳри Душанбе ярмаркаҳои фурӯши маҳсулот ҷараён доранд
Пешниҳод гардид, ки ба Душанбе унвони «Шаҳри шуҷоати меҳнатӣ» дода шавад
Китобхонаи марказонидашудаи шаҳрии ба номи А.Лоҳутӣ аз рӯи номинаи «Китобхонаи беҳтарини оммавӣ» сазовори ҷои аввал гардид
Муовини Раиси шаҳри Душанбе Дилбар Одилзода дар Иҷлосияи 28-уми Ассамблеяи байналхалқии пойтахтҳо ва шаҳрҳои бузург ба таври маҷозӣ иштирок кард
ЭЪЛОН! Мақомоти иҷроияи ҳокимияти давлатии шаҳри Душанбе пурра ба бинои собиқи МТС кӯчид
«ШАҲРИ ГУЛРЕЗ». Душанберо ба макони сарсабзу хуррам ва гулафшон табдил медиҳем
Барномаи рушди футбол дар шаҳри Душанбе барои солҳои 2022 – 2026 тасдиқ шуд
Барномаи рушди тарбияи ҷисмонӣ ва варзиш дар шаҳри Душанбе барои солҳои 2022-2026 тасдиқ гардид
Бахшида ба Рӯзи пойтахт таҳти унвони «Ту қалби Тоҷикистонӣ — Душанбе» барномаи фарҳангӣ баргузор гардид
НИММАРАФОНИ ХII БАЙНАЛМИЛАЛИИ ДУШАНБЕ-2022. Варзишгарон аз Кения ва Эфиопия миёни мардон ва занон ғолиб омаданд
«ШАҲРИ ИШҚАМ, ШАҲРИ БАХТАМ, ШАҲРИ АРМОНАМ, ДУШАНБЕ!». Меҳрномаи шоирон дар васфи пойтахти Тоҷикистон
ДУШАНБЕ, ИН ГУЛАФШОНАТ МУБОРАК! Сайре ба боғҳои шаҳр дар Рӯзи пойтахт