Лигаи миллии футболи Тоҷикистон давраи бақайдгирӣ ва дархости дастаҳоро муайян кард

ДУШАНБЕ, 04.03.2019. /АМИТ «Ховар»/. Лигаи миллии футболи Тоҷикистон давраи бақайдгирӣ ва дархости дастаҳоро  дар мавсими футболи соли 2019 муайян кард. Тавре сомонаи расмии ФФТ хабар медиҳад, он аз 6 март оғоз ёфта, то 16 март идома мекунад.

Тибқи хабари расида, дастаҳо имкон доранд дар бораи ҳайати худ ба ФФТ дархости худро расонанд. Ҳамчунин ба клубҳои футбол иҷозат додаанд,  ки  то 25 март бо пешниҳоди сертификати байналмилалӣ-«ITC» (International Transfer Certificate) футболбозони хориҷиро низ ба ҳайати дастаашон дохил намоянд.

Чемпионати 28-уми Тоҷикистон оид ба футбол байни дастаҳои Лигаи олӣ бо ширкати 8 даста дар се марҳила гузаронида мешавад. Аз рӯи анъана пеш аз оғози Чемпионат- 29 март бозӣ барои Суперҷоми Тоҷикистон байни дастаҳои «Истиқлол» ва «Хуҷанд» баргузор мегардад.

Реҷаи қабули дархост аз  дастаҳои Лигаи олии Чемпионати Тоҷикистон -2019:

6 март (чоршанбе )

10:00 – «Истиқлол» (Душанбе)

7 март (панҷшанбе)

11:00 – «Регар-ТадАЗ» (Турсунзода)

9 март (шанбе)

10:00 – «Кӯктош» (Рӯдакӣ)

 10 март (якшанбе)

10:00 – КМВА «Помир» (Душанбе)

 11 март (душанбе )

14:00 – «Истаравшан» (Истаравшан)

12 март (сешанбе)

14:00 – «Панҷшер» (Ҷалолиддини Балхӣ)

 13 март (чоршанбе)

14:00 – «Хатлон» (Бохтар)

14 март (панҷшанбе)

10:00 – «Хуҷанд» (Хуҷанд)