Ҳайати парлумонии Тоҷикистон дар ҷаласаҳои мухталифи СААД иштирок намуд
ДУШАНБЕ, 22.04.2019. /АМИТ «Ховар»/. Ҳайати Парлумонии Тоҷикистон дар ҷаласаҳои мухталифи Созмони Аҳдномаи Амнияти Дастаҷамъӣ, Ассамблеяи Байнипарлумонии давлатҳои иштирокчии ИДМ ва конференсия оид ба мубориза бар зидди терроризми байналмилалӣ иштирок намуд.
Тавре котиби матбуоти Маҷлиси намояндагон Муҳаммадато Султонов ба мухбири АМИТ «Ховар» иттилоъ дод, дар ҷаласаҳои мазкур як зумра лоиҳаи қонунҳои намунавӣ (моделӣ), ҳамзамон тавсияҳо оид ба ҳаммонандкунонии қонунгузории давлатҳои иштирокчии ИДМ дар соҳаҳои гуногун баррасӣ ва қарорҳои дахлдор қабул карда шуданд.
«Шукурҷон Зуҳуров дар конференсия оид ба мубориза бар зидди терроризми байналмилалӣ роҷеъ ба таҳкими муносибатҳои байнипарлумонии давлатҳои иштирокчии ИДМ дар самти пешгирии омилҳои ба вуҷудоварандаи терроризм сухан кард», — илова намуд манбаъ.
Бояд гуфт, ки дар ин рӯзҳо бархе аз намояндагони ҳайатҳои парламентии давлатҳои иштирокчии ИДМ, аз ҷумла Ҷумҳурии Тоҷикистон барои саҳми арзанда дар фаъолияти қонунэҷодкунӣ ва рушди муносибатҳои байнипарлумонӣ бо мукофотҳои фахрии Ассамблеяи Байнипарлумонии давлатҳои иштирокчии ИДМ сарфароз гардонида шуданд.
Ба иттилои манбаъ, дар фарҷоми ҷаласа нақшаҳо оид ба фаъолияти минбаъдаи Ассамблеяи Байнипарлумонии давлатҳои иштирокчии ИДМ барои солҳои 2019-2020 дар самти қонунгузорӣ қабул карда шуданд.
Ёдовар мешавем, ки рӯзҳои 16-19 апрели соли равон ҳайати Парлумони Тоҷикистон ҷиҳати иштирок дар чорабиниҳои Созмони Аҳдномаи Амнияти Дастаҷамъӣ, Шӯрои Ассамблеяи Байнипарлумонии давлатҳои иштирокчии Иттиҳоди Давлатҳои Мустақил ба шаҳри Санкт-Петербурги Федератсияи Россия сафари корӣ анҷом дод.
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
