«БИХАНДАД ЛОЛА…». Имрӯзҳо беш аз 4 миллион бех гулҳои нав шинонидашуда шукуфта, ба пойтахти Тоҷикистон ҳусни наву ҷилои тоза бахшидаанд
ДУШАНБЕ, 03.04.2019./АМИТ «Ховар»/. Бо омадани фасли баҳор пойтахти тоҷикон –шаҳри Душанбе боз ҳам сабзрангу дилработар гардидааст. Меҳмонону сокинони пойтахт дар гулгашту хиёбонҳои шаҳр қадам зада, аз тамошои гулҳои рангоранг ва майсазорони сабзи он ҳаловат мебаранд. Албатта, ин ҳама зебогиву ободонӣ ба осонӣ ба даст наомада, маҳсули меҳнати шабонарӯзии масъулини ин соҳа маҳсуб мешавад. Тавре ба мушоҳида мерасад, имрӯзҳо тамоми кормандони Муассисаҳои давлатии «Раёсатҳои истифодабарии роҳҳо»-и пойтахт ба шинонидани ниҳолу буттаҳо ва гулҳои мавсимию бисёрсола машғул буда, ин амал дар шаҳр ба маъракаи оммавӣ табдил ёфтааст.
Тавре сардори шуъбаи ободонӣ ва кабудизоркунии дастгоҳи Раиси шаҳри Душанбе Шералӣ Раҳмонов ба мухбири АМИТ «Ховар» иттилоъ дод, дар доираи иҷрои қарори Раиси шаҳр Рустами Эмомалӣ оид ба вусъати сабзкорӣ дар мавсими тирамоҳи соли 2018 ва баҳори соли 2019 шинондани ниҳолу буттаҳо ва гулҳои мавсимию бисёрсола идома дорад.
Тибқи иттилои номбурда, дар доираи иҷрои қарори раиси шаҳр аз 1 ноябри соли гузашта то имрӯз дар ҳудуди пойтахт 106 ҳазору 240 бех ниҳоли дарахту буттаҳо шинонда шудаанд. Аз ин миқдор дарахтони сояафкан зиёда аз 8 ҳазор, ороишӣ қариб 30 ҳазор, мевадиҳанда 5315 ва буттаҳо 2525 бехро ташкил медиҳанд. Хусусан шинондани гулҳои мавсимию бисёрсола вусъати тоза гирифта, дар ин давра беш аз 4 миллиону 30 ҳазору 133 дона гул шинонда шудааст. Аз ин шумора гули мавсимӣ қариб 872 ҳазор дона ва бисёрсола 297 ҳазору 498 донаро ташкил медиҳад. Ҳамчунин дар гӯшаю канори шаҳр 1 миллиону 139 ҳазор пиёзаки гули лола кошта шуд, ки имрӯзҳо ин лолаҳои шукуфта ба пойтахт ҳусни наву ҷилои тоза мебахшанд.
Ҳамчунин дар пойтахт ба сабзкорию васеъ намудани майдони майсазор таваҷҷуҳи махсус зоҳир гардида, дар даҳҳо ҳазор метри мураббаи ҳудуди шаҳр майсазорон бунёд мегарданд.
…Имрӯзҳо гулгашту чаман ва кӯчаю барзани Душанберо гӯё ҳусну ҷило ва хандаю накҳати лолаҳои ҳарранга ва зебо пур кардааст ва суруди зебои Тӯхфа Фозиловаро бар матни устод Абӯабдулло Рӯдакӣ ба ёд меорад:
Бихандад лола дар саҳро ба сони чеҳраи Лайло…
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
ДАРАХТ БИНШОН! Дар Ҷамоати деҳоти Навободи шаҳри Турсунзода 900 бех дарахти тут шинонида шуд
«БАРНОМАИ МИЛЛӢ ОИД БА БАРҲАМДИҲИИ ШАКЛҲОИ БАДТАРИНИ МЕҲНАТИ КӮДАКОН». Қарори Раиси шаҳри Душанбе оид ба амалишавии он дар пойтахт ба тавсиб расид
Қарори Раиси шаҳри Душанбе оид ба шарҳу тавзеҳи Паёми Президенти Ҷумҳурии Тоҷикистон ба тасвиб расид
Дар хоҷагии ёрирасони бахши ҳифзи муҳити зисти ноҳияи Мастчоҳ беш аз 200 ҳазор бех ниҳол шинонида мешавад
ҲАРАКАТИ ҶУМҲУРИЯВИИ НИҲОЛШИНОНӢ. Дар вилояти Хатлон беш аз 250 ҳазор дарахт шинонида шуд
«САЙРИ САДА». 1 феврал барои меҳмонон ва сокинони пойтахт хатсайрҳои сайёҳии ройгон ташкил мешаванд
БАРОИ НАСЛҲОИ ОЯНДА НИҲОЛ МЕШИНОНЕМ! Дар ҳудуди «Боғи Ғалаба ва нигоҳдории ҷангал»-и шаҳри Душанбе зиёда аз 2500 бех ниҳоли сояафкан ва ороишӣ шинонида шуд
ҲАРАКАТИ ҶУМҲУРИЯВИИ НИҲОЛШИНОНӢ. Дар шафати роҳҳои Ҷамоати деҳоти Халифа Ҳасани шаҳри Панҷакент беш аз 400 бех ниҳоли ороишӣ шинонида шуд
МАСЛИҲАТИ МУТАХАССИС. Башаклдарории дарахтон дар рӯзҳои сард зиёновар аст
ҲАРАКАТИ ҶУМҲУРИЯВИИ НИҲОЛШИНОНӢ. Дар ноҳияи Бобоҷон Ғафуров 44 ҳазор бех дарахтони сояафкан, ҳамешасабз ва ороишию мевадиҳанда шинонида мешаванд
БАРОИ НАСЛҲОИ ОЯНДА НИҲОЛ ШИНОНЕМ! Солҳои 2025-2027 дар Душанбе 450 ҳазор бех ниҳол шинонида мешавад
