ДАРАХТ БИНШОН! Дар хоҷагиҳои вилояти Суғд бунёди боғҳои суперинтенсивӣ вусъат меёбад
ХУҶАНД, 01.04.2019. /АМИТ «Ховар»/. Дар вилояти Суғд дар доираи иҷрои «Барномаи рушди соҳаи боғу токпарварӣ барои солҳои 2016-2020» сол аз сол масоҳати бунёди майдони боғу токзори нав меафзояд. Аз ҷумла, дар ин радиф бунёди майдони боғҳои интенсивӣ бештар ба назар мерасад. Зеро бо гирифтани ҳосили зиёд аз чунин боғҳои муосир боғпарварони мамлакат на танҳо бозори дохилиро бо меваҳои хушсифат метавонанд таъмин намоянд, балки содироти маҳсулотро низ афзоиш диҳанд.
Тавре аз идораи Сарраёсати кишоварзии вилояти Суғд ба хабарнигори АМИТ Ховар иттилоъ доданд, имрӯзҳо, дар ҳудуди заминҳои Муассисаи давлатии “Боғи миллии Ваҳдат”-и ноҳияи Бобоҷон Ғафуров дар масоҳати қариб 3 гектар боғи суперинтенсивӣ (боғи сермаҳсул) бунёд гардида истодааст, ки барои инкишофи он аз давлатҳои Франсия, Полша ва Канада чор навъи ниҳолҳои гелосу шафтолу ворид карда шудаанд.
Ба иттилои манбаъ, бунёди чунин боғҳои нав бо истифода аз таҷрибаҳои пешқадами боғдорӣ ба роҳ монда шуда, имрӯзҳо дар аксари кишварҳои пешрафтаи олам ин навъи боғдорӣ маъмул гаштааст. Зеро он аз чанд ҷиҳат манфиатнок буда, ҳаҷми хурди дарахтони ин намуд боғҳои суперинтенсивӣ имкон медиҳад, ки дар воҳиди ками замин ниҳолҳои зиёдеро шинонид. Аз ҷумла, дар як гектар беш аз ду ҳазор бех ниҳол ҷой дода, аллакай соли дуюм метавон аз он ҳосил гирифт. Ҳамчунин ҳосилнокии чунин боғ нисбат ба боғҳои муқаррарӣ ба маротиб бештар буда, дар як сол 500 – 600 сентнерро дар бар мегирад.
Бояд гуфт, ки ин навъ боғи суперинтенсивӣ ё сермаҳсул аз ҷониби кишоварзони хоҷагии деҳқонии “Холмуҳаммад”-и ноҳияи Ҷаббор Расулов низ дар майдони қариб 2,5 гектар ба роҳ монда шудааст. Ҳоло баҳри рушди ин навъи боғ аз Германия ниҳолҳои себ ворид карда шуда, тибқи маълумоти мутахассисон, хоҷагидорон дар соли дуюм метавонанд аз онҳо ҳосили аввал рӯёнанд.








Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд






