Тоҷикистон ва Чин барои сармоягузорӣ ба кони ангишти «Шӯроб» созишнома ба имзо расониданд

Май 22, 2024 09:49

ДУШАНБЕ, 22.05.2024 /АМИТ «Ховар»/. 21 май байни Ҷамъияти дорои масъулияти маҳдуди «Талант»-и Ҷумҳурии Тоҷикистон ва Корпоратсияи давлатии China Pingmei Shenma Holding Group Co. Ltd.-и Ҷумҳурии Мардумии Чин созишнома оид ба амалӣ намудани ҳамкории сармоягузорӣ барои ба кор андохтани фаъолияти истихроҷи кони ангишти «Шӯроб» ба имзо расонида шуд. Созишнома зимни вохӯрии Вазири рушди иқтисод ва савдоии Тоҷикистон Завқӣ Завқизода ва Раиси Корпоратсияи «China Pingmei Shenma Holding Group Co. Ltd» Ли Мао ба имзо расид, хабар доданд ба АМИТ «Ховар» дар вазорат.

Гуфта шуд, ки ин корпоратсия яке аз азимтарин гурӯҳи корхонаҳо оид ба истихроҷ ва коркарди ангишти энергетикӣ ва коксшаванда дар асоси технологияҳои «сабз» буда,  ба қатори 50 ширкати азими «сабз»-и саноатӣ ва 500 ширкати калонтарини эҳсонкори Ҷумҳурии Мардумии Чин дохил мебошад.

Вазири рушди иқтисод ва савдои Тоҷикистон Завқӣ Завқизода иброз намуд, ки бо шарофати сиёсати хирадмандона ва иродаи олии сиёсии роҳбарони ҳарду давлат- Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин ҳамкории стратегии давлатҳои мо ба сатҳи сифатан баланд баромад.

Ҳамчунин иттилоъ дода шуд, ки Корпоратсия аллакай дар самти бунёди неругоҳҳои барқи офтобӣ дар минтақаҳои озоди иқтисодии «Панҷ» ва «Данғара» бо иқтидори 1000 мВт (400 миллион доллар сармоягузорӣ) ва лоиҳаи истихроҷ ва коркарди ангишти кони «Шӯроб» бо иқтидори солонаи истихроҷи 1 миллион тонна ангишт бо коркарди минбаъдаи он ба маҳсулоти кимиёвӣ (60 миллион доллар сармоягузорӣ) ба фаъолият оғоз намудааст.

 АКС: Вазорати рушди иқтисод ва совдои Ҷумҳурии Тоҷикистон

Май 22, 2024 09:49

Хабарҳои дигари ин бахш

Ҳамкории Тоҷикистон ва Чин дар соҳаи обу энергетика густариш меёбад
Дар Душанбе густариши ҳамкории Тоҷикистон ва Институти ҷаҳонии рушди сабз баррасӣ гардид
Вазири энергетика ва захираҳои об: «Тоҷикистон ба барномаҳои омӯзишӣ ва такмили ихтисоси мутахассисони соҳаи об сармоягузорӣ менамояд»
Байни Тоҷикистон ва Беларус дар соҳаи ҳифзи муҳити зист Ёддошти тафоҳум ба имзо расид
Ҷумҳурии Тоҷикистон дар Озарбойҷон «Боғи дӯстии зардолу» бунёд менамояд
То соли 2032 неруи барқ дар Тоҷикистон пурра аз ҳисоби захираҳои энергетикаи «сабз» истеҳсол карда мешавад
Бонки Исломии Рушд барои татбиқи лоиҳаҳои сармоягузории афзалиятноки Тоҷикистон изҳори омодагӣ намуд
Тоҷикистон ва Хазинаи байналмилалии асъор зери унвони «Воситаи ҳамоҳангсозии сиёсат» барномаи нав оғоз намуданд
Соли 2032 дар Тоҷикистон барои 100 фоиз таъмин шудани истеҳсоли барқ аз ҳисоби манбаъҳои барқароршаванда, яъне энергияи «сабз» имкон фароҳам меояд
ФОРУМИ БАХШИ ХУСУСӢ. Он ба пешрафт ба сӯи Ҳадафи шашуми рушди устувор – об ва беҳдошт дар Осиёи Марказӣ мусоидат менамояд
Эмомалӣ Раҳмон: «Ҷиҳати ислоҳоти соҳаи обтаъминкунӣ ва беҳдошти замин механизмҳои нави маблағгузорӣ таҳия ва амалӣ карда шаванд»
Муҳаммад Сулаймон Ал-Ҷассер: «Мо татбиқи лоиҳаи сохтмони НБО-и «Роғун»-ро ҷонибдорӣ менамоем»

Маводҳои таҳлилӣ