ДУШАНБЕИ ШУКУФОН. Маҷлиси намояндагон Рӯзи пойтахтро таҷлил намуд
ДУШАНБЕ, 20.04.2019. АМИТ «Ховар». Кормандони дастгоҳи Маҷлиси намояндагони Маҷлиси Олии Ҷумҳурии Тоҷикистон Рӯзи пойтахтро, ки ҳамасола ҳафтаи сеюми моҳи апрел ҷашн гирифта мешавад, бо дастовардҳои назаррас истиқбол намуданд.
Ба ин муносибат дирӯз ҳайати дастгоҳи Маҷлиси намояндагон барои ободу тоза нигоҳ доштани саҳни бинои Маҷлис ва дар маҷмӯъ ободу шукуфон намудани шаҳри Душанбе саҳми худро гузоштанд.
Дар баробари таъмиру ба истифода додани қисми зиёди бинои Парлумони касбии мамлакат, толору маҷлисгоҳҳои бошукӯх, инчунин гулзори нави фарҳангӣ дар қисмати чапи бинои мазкур обод карда шуд. Ҳамзамон роҳҳо таъмиру навсозӣ гардиданд.
Кормандони дастгоҳи Маҷлиси намояндагон бо рӯҳияи болида ва шукргузорӣ аз сиёсати хирадмандонаи Ҳукумати Чумҳурии Тоҷикистон барои тоза кардани бехи дарахтон ва таъмиру тармими бинои Маҷлиси намояндагон камари ҳиммат бастанд.
Иттифоқӣ, ҳамбастагӣ ва пайравӣ аз тадбирҳои нек ва муттаҳидӣ дар атрофи сиёсати хирадмандонаи Пешвои миллат нишон дод, ки масъулини Дастгоҳи Маҷлиси намояндагон нисбат ба корҳои неку созанда бетараф набуда, саҳми худро дар ободии Ватан мегузоранд.
Ҳадафи дигари ободкории мазкур ба муносибати таҷлили Рӯзи поӣтахт- ин тақвияти ҳисси ватандӯстиву худшиносии миллӣ, бедор намудани ифтихори ватандорӣ, тарбияи ҷавонон дар рӯҳияи инсондӯстӣ, якдилӣ, якмаромӣ, баробариву бародарӣ ва таҳкими сулҳу ваҳдати миллӣ мебошад.
Дар Маҷлиси намояндагони Маҷлиси Олии Ҷумҳурии Тоҷикистон машварати корӣ баргузор гардид
Дар Душанбе раисони кумитаҳои Маҷлиси намояндагон ва намояндагони Бонки ҷаҳонӣ мулоқот намуданд
ҚАБУЛИ ҚОНУНИ МИЛЛӢ ДАР ТАҲРИРИ НАВ. Он ба таҳкими сатҳи маънавиёти шаҳрвандон ва некуаҳволии шахс, оила ва ҷомеа равона шудааст
ҚОНУНИ МИЛЛӢ ДАР ТАҲРИРИ НАВ ҚАБУЛ ГАРДИД. Акнун тарбияи кӯдак аз ҷониби се ниҳоди иҷтимоӣ — оила, мактаб ва ҷомеа амалӣ мешавад
Ҳамкории байнипарлумонии Тоҷикистон бо Узбекистон ва Қатар баррасӣ шуд
Вакилони Парлумони Тоҷикистон дар ҳамоиш оид ба ҳифзи арзишҳои демократӣ дар шаҳри Брюссел иштирок доранд
Мавсума Муинӣ дар доираи Форуми занони Осиё бо Танзила Норбоева мулоқот намуд
Мавсума Муинӣ: «Ҳукумати Тоҷикистон баҳри таъмини риояи ҳуқуқҳои конститутсионии занон тадбирҳои муҳим меандешад»
Маҳмадалӣ Ватанзода бо ҳайати вакилони Думаи давлатии Маҷлиси федералии Федератсияи Русия мулоқот намуд
Дар иҷлосияи Маҷлиси намояндагон ба якчанд қонуни Ҷумҳурии Тоҷикистон тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон бо ҳайати парлумони Бундестаг мулоқот доир шуд
Дар ҳошияи Форуми ҷаҳонии муколамаи байнифарҳангӣ дар Боку конфронси байнипарламентӣ доир шуд
