Кумитаи ҳолатҳои фавқулода ва мудофиаи граждании Тоҷикистон татбиқи чаҳор тарҳи ҳамкориро бо давлати Қатар оғоз намуд
ДУШАНБЕ, 02.04.2019 /АМИТ «Ховар»/. Дар доираи рушди минбаъдаи ҳамкории байналмилалӣ дар самти пешгирӣ ва бартарафсозии оқибатҳои офатҳои табиӣ татбиқи амалии чаҳор лоиҳа миёни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикисон ва Кумитаи танзими кумакҳои хайрияи давлати Қатар оғоз гардид.
Тавре аз Кумита ба АМИТ «Ховар» хабар доданд, ин лоиҳаҳо ба ҳалли масъалаҳои баланд бардоштани сатҳи касбии кормандони Кумитаи мазкур ва тавонмандиҳои техникии ташкили корҳои соҳилбандӣ равона шудаанд.
Ба иттилои манбаъ, дар доираи ин лоиҳаҳо бунёди студияи телевизионии хурд барои Кумитаи ҳолатҳои фавқулода, харидории таҷҳизоти техникӣ барои Озмоишгоҳи ҷумҳуриявии кимиёвӣ–радиометрӣ, ҳамчунин сӯзишворӣ ва равғанҳои молиданӣ, зарфҳо барои нигаҳдорӣ, харидани техника ҷиҳати роҳандозии корҳои соҳилбандӣ ба нақша гирифта шудаанд.
Татбиқи лоиҳаҳои номбурда натиҷаи сафари ҳайати Кумитаи танзими кумакҳои хайрияи давлати Қатар дар моҳи июли соли 2018 буд. Ин ҳамчунин марҳилаи муҳим дар татбиқи сиёсати давлатӣ дар самти ҳифзи аҳолӣ ва ҳудуд аз ҳолатҳои фавқулода ва таҳкими минбаъдаи ҳамкории дуҷониба дар самти коҳиши хатари офатҳои табиӣ дар Ҷумҳурии Тоҷикистон аст.
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
